Сўнгги кунларда мамлакат йўлларида содир бўлган бахтсиз ҳодисалар тафсилотларини тақдим этамиз.
Наманганда Spark бетон тўсиққа урилди
2022 йил 30 январь куни соат 03:20 ларда Фарғона ҳалқа йўлининг 34 километрида, «Ором» МФЙ ҳудудида Наманган шаҳар Давлатобод туманида яшовчи фуқаро (1995 йилда туғилган) Spark автомашинасини Наманган–Тошкент йўналишида бошқариб бораётиб, ҳаракат хавфсизлигини таъминлай олмай, йўлнинг ўртасидаги бетон тўсиққа урилган.
Оқибатда автомашинада бўлган йўловчилар Чортоқ туманида яшовчи аёл (1974 йилда туғилган) бош мия ёпиқ шикасти, қўшма шикаст ташхиси билан шифохонада кўрсатилган тез тиббий ёрдамга қарамай шу йил 1 февраль куни шифохонада вафот этган.
У билан бирга яшовчи қизи (2000 йилда туғилган) пешона соҳаси йиртилиши, чап оёқ сон суягини ёпиқ синиши ташхиси билан Янгиқўрғон туманида яшовчи қиз (2004 йилда туғилган) бош мия ёпиқ шикасти, қўшма шикаст ташхиси билан ва Наманган шаҳрида яшовчи фуқаро (1997 йилда туғилган) кўкрак қафасини эзилиши, ўнг оёқ болдир суягининг ёпиқ синиши ташхиси билан тан жароҳати олиб, шифохонага ётқизилган.
Ушбу ҳолат бўйича Поп туман ИИБ ҳузуридаги тергов бўлими томонидан 2022 йил 1 февраль куни 266-моддаси 2-қисми (одам ўлимига сабаб бўлган транспортдан фойдаланиш хавфсизлиги қоидаларини бузиш) билан жиноят иши қўзғатилган.
Марғилонда «Москвич» пиёда умрига зомин бўлди
3 февраль куни фуқаро С.А. бошқарувида бўлган «Москвич» автомашинасини Алишер Навоий кўчасида бошқариб кетаётиб, қатнов қисмини пиёда кесиб ўтаётган М.А.ни уриб юборган.
Оқибатда М.А тан жароҳати олиб, шифохонада вафот этган.
Мазкур ҳолат юзасидан Марғилон шаҳар ИИБ ҳузуридаги тергов бўлими томонидан Жиноят кодексининг 266-моддаси 2-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)