Shavkat Mirziyoyev 2-fevral kuni bo‘lib o‘tgan chiqindilar bilan ishlash tizimini takomillashtirishga doir yig‘ilishda viloyatlarda ko‘kalamzorlashtirish, bog‘ yaratish ishlari oqsayotganini ta’kidlab, mutasaddilarni so‘roqqa tutdi. Bu “Menimcha” ko‘rsatuvida namoyish etildi.
O‘zbekiston prezidenti mutasaddilardan birini so‘roqqa tutib, undan “balansida respublika bo‘yicha necha kilometr yo‘l borligi” haqida so‘radi. Mutasaddining so‘zlariga ko‘ra, uning balansida 42 853 kilometr yo‘l bor.
“Men juda yaxshi bilaman, 43 mingga yaqin yo‘l bor. Shundan qanchasiga daraxt ekilgan? Ikki tarafi chiroyli bo‘lib, to‘rt va o‘n qatorli qilib?”, - deya yana savol qo‘ydi prezident.
Mutasaddi esa “to‘rt yarim yil davomida 1253 kilometr daraxt ekilganini” ta’kidladi. Shavkat Mirziyoyev bu necha foiz bo‘lganini so‘raganida mutasaddi 10 foiz ekanini aytdi.
“Iya, matematikani qayerda o‘qigansan? Ramatov, buyoqqa kel, nega bu 10 foiz deyapti?”, - dedi prezident.
Bosh vazir o‘rinbosari Ochilboy Ramatov ekilgan butalar bilan qo‘shib hisoblansa, 10 foizga borishini aytdi. Shavkat Mirziyoyev mazkur holatga samimiy kulib qo‘ydi.
Mavzuga doir:
- O‘zbekistonda 165 gektar maydondagi 24 ta chiqindi poligoni 1-mayga qadar ko‘miladi
- O‘zbekistonda chiqindi to‘plash uchun import qilinadigan texnika va ehtiyot qismlar 3 yil muddatga bojxona bojidan ozod etiladi
- O‘zbekistonda maishiy chiqindilarni qayta ishlash darajasi eng yuqori bo‘lgan viloyatlar ma’lum qilindi
Izoh (0)