Shavkat Mirziyoyev “Madaniyat va san’at sohasini yanada rivojlantirishga doir qo‘shimcha chora-tadbirlar to‘g‘risida”gi qarorni imzoladi. “O‘zbekiston 24” telekanali efirida ushbu qaror sharhi keltirildi.
Unga ko‘ra, endilikda barcha davlat tashkilotlari, muassasalari va korxonalari har chorakda kamida bir marotaba budjetdan tashqari hamda kasaba uyushmalari mablag‘lari hisobidan o‘z xodimlariga konsert, sirk va teatrlarga bilet hamda abonementlar xarid qilish amaliyoti joriy etiladi.
Yuridik shaxslar xodimlari va ularning oila a’zolari uchun tadbirlar o‘tkazish, chiptalar xarid qilishga yo‘naltirilgan mablag‘larga teng ravishda foyda solig‘i va yagona soliq to‘lovidan ozod qilinadi.
Avvalroq ushbu qaror bilan O‘zbekistondagi maktab o‘quvchilari kamida bitta milliy cholg‘u asbobini chalishni bilishi shartligi belgilangani haqida xabar berilgan edi.
Izoh (0)