Toshkent shahri Sergeli tumanida 3-fevral kuni temir panjara ishlab chiqarish sexi yonib ketdi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 16:49 da “Qurbaytepa” mahallasi Sa’diy ko‘chasida joylashgan temir panjara ishlab chiqarish sexida yong‘in sodir bo‘layotgani to‘g‘risida tumun FVBga xabar kelib tushgan.
Shunga ko‘ra, 5 ta yong‘in-qutqaruv ekipaji voqea joyiga soat 16:56 da yetib borib, yong‘in soat 17:15 da qurshab olingan va soat 17:31 da bartaraf etilgan.
Yong‘inda sexning taxminan 120 kvadrat/metr maydonida tom va shift qismi yonib zararlangan. Hodisa oqibatida tan jarohati olgan va halok bo‘lganlar yo‘q.
Hozirda yong‘inning kelib chiqish sababi va keltirilgan moddiy zarar miqdori aniqlanmoqda.
Izoh (0)