Шавкат Мирзиёев «Маданият ва санъат соҳасини янада ривожлантиришга доир қўшимча чора-тадбирлар тўғрисида»ги қарорни имзолади. «Ўзбекистон 24» телеканали эфирида ушбу қарор шарҳи келтирилди.
Унга кўра, эндиликда барча давлат ташкилотлари, муассасалари ва корхоналари ҳар чоракда камида бир маротаба бюджетдан ташқари ҳамда касаба уюшмалари маблағлари ҳисобидан ўз ходимларига концерт, цирк ва театрларга билет ҳамда абонементлар харид қилиш амалиёти жорий этилади.
Юридик шахслар ходимлари ва уларнинг оила аъзолари учун тадбирлар ўтказиш, чипталар харид қилишга йўналтирилган маблағларга тенг равишда фойда солиғи ва ягона солиқ тўловидан озод қилинади.
Аввалроқ ушбу қарор билан Ўзбекистондаги мактаб ўқувчилари камида битта миллий чолғу асбобини чалишни билиши шартлиги белгилангани ҳақида хабар берилган эди.
Изоҳ (0)