Shavkat Mirziyoyev 26-yanvar kuni bo‘lib o‘tgan yig‘ilishda sog‘liqni saqlash tizimi haqida gapirar ekan, vazir Behzod Musayevga eng avvalo pastga tushib ishlash kerakligini ta’kidladi.
“Mana (sobiq) vazir bironta shifoxonani bosh shifokorini tanimasdi. Toshkentnikini tanir edi, boshqa – Andijon, Qoraqalpog‘istonnikini tanimasdi. Sen hamma joynikini tanishining kerak. Qishloq shifokorlik punktning shifokorini ham tanishing kerak.
Xuddi mahallaga, pastga qanday tushgan bo‘lsam — shunday. O‘sha qishloq shifokorlik punkti sening mahallang. Birlamchi bo‘g‘imga tushish kerak. Men senga qancha o‘rgatyapman.
Endi sen ham buni eplolmasang, O‘zbekistonda tibbiyotni hech kim eplolmaydi, yopish kerak vazirlikni”, — deydi davlat rahbari Behzod Musayevga qarata.
Ma’lumot uchun, 11-noyabr kuni sog‘liqni saqlash vaziri Abduhakim Hojiboyev lavozimidan ozod etilgani va u O‘zbekiston kasaba uyushmalari Federatsiyasiga o‘tishi kutilayotgani to‘g‘risida xabar berilgandi. Shu kunning o‘zida O‘zbekiston prezidentining tegishli farmoni bilan bosh vazir o‘rinbosari lavozimida ishlab kelgan Behzod Musayev sog‘liqni saqlash vaziri etib tayinlangan.
Mavzuga doir:
- “Eng ko‘p Sirdaryo IES yonib ketishidan qo‘rqdim” – Shavkat Mirziyoyev elektr energiyasi uzilishi bilan bog‘liq holat haqida
- “Shaxsan o‘zim rahbarlik qilaman”. Shavkat Mirziyoyev boshchiligida Maktab ta’limini isloh qilish kengashlari tuziladi
- “Yangi O‘zbekiston xavfsizligi konsepsiyasini qabul qilamiz” – Shavkat Mirziyoyev
Izoh (0)