Qashqadaryo viloyati Kitob tumanida ikki xil fasl kuzatilmoqda. Gap shundaki, tumanning bir qismi qalin qor bilan qoplangan, boshqa qismida bodom gullagan.
Hokimlik axborot xizmati ushbu tabiat hodisalari aks etgan suratlarni ulashdi.
Qayd etilishicha, tumanning Aspiduxtar qishlog‘ida 28-yanvar kuni yog‘ishni boshlagan qor qalinligi 29-yanvarga kelib 70-80 santimetrni tashkil etmoqda.
Bu vaqtda esa tumanning yana bir hududi hisoblangan Qaynar kengliklarida bahor fasli hukmron. U yerda bodom gullaganini ko‘rish mumkin.
Qashqadaryoda bu holat 2022-yilda birinchi marta emas. 5-yanvar kuni viloyatning Kitob tumanidagi qishloqni qalin qor qoplagan bo‘lsa, G‘uzor tumanidagi qishloqda esa bodom qiyg‘os gullagan edi.
Izoh (0)