Bugun,

  • USD 11095.31
  • RUB 173.84
  • EUR 10772.44

O‘zbekiston Prezidentining tegishli farmoni bilan bosh vazir o‘rinbosari lavozimida ishlab kelgan Behzod Musayev sog‘liqni saqlash vaziri etib tayinlandi. Bu haqda vazirlik matbuot xizmati xabar berdi. Avvalroq Oliy Majlis Qonunchilik palatasi deputati Rasul Kusherbayev deputatlar Musayevni sog‘liqni saqlash vaziri lavozimiga tasdiqlash bo‘yicha qaror qabul qilganini yozgan edi.

Foto: “Daryo” / Madina Nurman

Foto: “Daryo” / Madina Nurman

Ma’lumot uchun, Behzod Musayev 1973-yilda tug‘ilgan. 1995-yilda Toshkent davlat iqtisodiyot universitetini, 2004-yilda esa Prezident huzuridagi Davlat va jamiyat qurilishi akademiyasi qoshidagi Oliy biznes maktabini tamomlagan. Iqtisod fanlari nomzodi.

U mehnat faoliyatini 1995-yilda O‘zbekiston Tashqi iqtisodiy faoliyat milliy bankida boshlagan. 1998—2002-yillarda Moliya vazirligida ijtimoiy sohani moliyalashtirish bosh boshqarmasi boshlig‘i kabi mas’ul lavozimlarda ishlagan. 2002-yilda Hisob palatasida faoliyat ko‘rsatib, 2006—2010-yillarda Hisob palatasi raisi bo‘lgan. 2010-yilda Davlat soliq qo‘mitasidagi faoliyatini boshlagan Musayev 2010—2011-yillarda va 2018-yilning martidan dekabrigacha bo‘lgan muddatda DSQ raisining birinchi o‘rinbosari, 2018-yil mayidan 2020-yil mayigacha Davlat soliq qo‘mitasi raisi lavozimida ishlagan.

Behzod Musayev 2020-yil 13-maydan beri bosh vazirning ijtimoiy rivojlantirish masalalari bo‘yicha o‘rinbosari lavozimida faoliyat yuritib kelayotgan edi.

“Sog‘liqni saqlash tizimida hamma uchun tanish bo‘lgan Behzod Musayev bir yarim yil davomida tibbiyot sohasi vakillari bilan yaqin hamkorlikda faoliyat yuritib kelgan”, — deyiladi xabarda.

Eslatib o‘tamiz, 2020-yilning iyulida sog‘liqni saqlash vaziri Alisher Shodmonov Respublika ixtisoslashtirilgan kardiologiya ilmiy-amaliy tibbiyot markazida statsionar sharoitda davolangan vaqtida Behzod Musayevga uning vazifasini bajarish yuklatilgan edi.

Avvalroq sog‘liqni saqlash vaziri Abduhakim Xojiboyev lavozimidan ozod etilgani va u O‘zbekiston kasaba uyushmalari Federatsiyasiga o‘tishi kutilayotgani to‘g‘risida xabar berilgandi.

Izoh
Asosiy yangiliklar
Mahalliy
Nukusda -16,2 daraja sovuq qayd etildi
Mahalliy
Angrenda sobiq hokim yordamchisi o‘zini otib o‘ldirdi
Dunyo
Ukraina elchixonalariga bombalar va hayvonlar a’zolari solingan 18 ta posilka jo‘natilgan