Farg‘ona viloyatida fuqarolarni Ichki ishlar vazirligi akademik litseyiga o‘qishga kiritib qo‘yishni va’da qilgan firibgar aniqlandi, deya xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Departamentning Farg‘ona viloyat boshqarmasi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda fuqaro N.U. firibgarlik yo‘li bilan daromad orttirish maqsadida fuqarolar — A.B. va E.T. ni Farg‘ona shahridagi IIV akademik litseyiga o‘qishga kiritib qo‘yish evaziga ularning 1 200 AQSh dollarini qo‘lga kiritgani aniqlangan.
Tekshiruv davomida N.U. olgan pullari hisobidan 1 million so‘mni qaytargani protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda tadbirkorga Oliy sud orqali yordam berishni va’da qilgan shaxslar uni 77 ming dollarga chuv tushirdi
- Surxondaryoda fuqaroga haydovchilik guvohnomasini imtihonlarsiz olib bermoqchi bo‘lgan inspektor ushlandi
- Toshkentda hokimlik zaxirasidagi yerni 420 ming dollarga sotmoqchi bo‘lgan korxona xodimi ushlandi
Izoh (0)