Uzbekistan Airways’нинг кучли қор сабаб Истанбул аэропортида икки суткадан ортиқ қолиб кетган Boeing 757-200 UK75701 самолёти Тошкентга қайтди. Бу ҳақда Telegram’даги «Новости Ташкентского неба» канали хабар берди.
FlightАwаre маълумотларига кўра, Тошкент—Истанбул йўналишидаги HY-272 рейси 26 январь куни соат 23:48 да Истанбул аэропортидан кўтарилиб, 27 январь куни соат 05:47 да Тошкентга қўнган.
Эслатиб ўтамиз, Истанбул халқаро аэропортида ноқулай об-ҳаво шароити (кучли қор, кўришнинг етарли даражада эмаслиги) туфайли 25 январь куни соат 07:40 да Тошкентдан Истанбулга учиши керак бўлган HY-271 рейси 13:00 га, Истанбул—Тошкент йўналиши бўйича учиши керак бўлган HY-072 рейс эса Истанбул вақти билан соат 12:30 дан 17:50 га кўчирилганди.
26 январь куни Истанбул халқаро аэропорти фаолияти тўлиқ тўхтатилгани сабабли HY-271/272 Тошкент—Истанбул—Тошкент ҳамда HY 277/278 Истанбул—Фарғона—Истанбул йўналиши бўйича рейслари бекор қилинганди.
Изоҳ (0)