Fotogalereya: Koronavirus modeli va samolyotdagi “Budda” — Hindistonda Respublika kuni paradi qanday o‘tdi?
Hindistonda har yili 26-yanvarda Respublika kuni nishonlanadi. 2022-yilda ham koronavirus pandemiyasiga qaramay, an’anaviy bayram paradi bekor qilinmadi. “RBK” bayram qanday nishonlangani haqidagi fotogalereyani taqdim qildi.
Bayram 1950-yil 26-yanvarda Hindiston konstitutsiyasi rasman kuchga kirgan kun sharafiga o‘tkaziladi. Respublika kuni munosabati bilan Nyu-Dehlidagi Rajpatx shoh ko‘chasida harbiy parad o‘tkazildi, shuningdek, tantanali tadbirda politsiyachilar, raqqoslar va maktab o‘quvchilari ham ishtirok etgan. 2022-yilda tadbir tomoshabinlari soniga cheklov belgilandi. Shu yili avgustda Hindiston mustaqilligiga 75 yil to‘ladi.
Paraddagi raqqosalar.Foto: Reuters
Hindiston bosh vaziri Narendra Modi prezident gvardiyasi askariga peshvoz chiqmoqda.Foto: Reuters
Harbiy parad bir yarim soat davom etdi.Foto: Reuters
Koronavirusning katta modelini ko‘tarib tomosha ko‘rsatgan maktab o‘quvchilariFoto: AP Photo
Jammu va Kashmir shtatidan kelgan politsiyachiFoto: AP Photo
Hindiston armiyasi askarlari.Foto: Reuters
Fuqarolik aviatsiyasiga bag‘ishlangan platforma.Foto: AP Photo
Maktab o‘quvchilarining raqsi.Foto: AP Photo
Subxasa Chandri Bosning byusti markazda olib o‘tilmoqda, u Hindiston ozodligi uchun kurashgan insonlarning yetakchilaridan biri bo‘lgan. Ikkinchi jahon urushi vaqtida u Angliya mustamlakachilari bilan kurashda Yaponiya bilan hamkorlik qilishga kelishgan, Singapurda “Ozod Hindiston” administratsiyasini tuzib, unga rahbarlik qilgan. 1945-yil avgustda Tayvandagi aviahalokatda halok bo‘lgan.Foto: AP Photo
Hindiston-Tibet chegara politsiyasining chiqishi.Foto: Reuters
Hindiston temiryo‘llari himoya kuchlarida xizmat olib boruvchi ayol xodimlarFoto: AP Photo
Paradning havodagi qismi Respublika kunlari tarixidagi eng katta shoulardan biriga aylandi, unda 75 ta samolyot ishtirok etdi.Foto: AP Photo
Hindistonning turli shtatlari paradda o‘zlari tayyorlab kelgan platformalar bilan ishtirok etdi.Foto: AP Photo
Hindiston harbiy desantchilari.Foto: AP Photo
Tarixchilarning so‘zlariga ko‘ra, Hindiston aholisi uchun ushbu parad bir-birlariga va butun dunyoga mamlakatning harbiy kuch-qudrati, texnologik yutuqlari va madaniy xilma-xilligini namoyish etish imkoniyatini beradi.Foto: Reuters
Ayollar uzunligi 73 fut (Konstitutsiya kuchga kirganining har bir yiliga bir futdan qo‘shiladi, 22 metrdan uzunroq) bo‘lgan Hindiston bayrog‘ini, mamlakat ozodligi uchun kurashgan insonlarning portretlari bilan (chapdan o‘ngga Mahatma Gandi, Bhagat Singx, Vallabxai Patel) olib o‘tmoqda. Mahatma Gandi ingliz mustamlakachilariga qarshi kurashda zo‘ravonlik va kuch ishlatmasdan harakat qilish zarur deb hisoblagan, shuningdek, Hindistondagi odamlarning tabaqalanishi, ya’ni kastalar tizimiga qarshi chiqqan. Bxagat Singx esa 1931-yilda politsiyachi o‘ldirgani uchun qatl qilingan revolyutsioner. Vallabxai Patel — Hindiston konstitutsiyasining mualliflaridan biri.Foto: Reuters
Izoh (0)