Фотогалерея: Коронавирус модели ва самолётдаги «Будда» — Ҳиндистонда Республика куни паради қандай ўтди?
Ҳиндистонда ҳар йили 26 январда Республика куни нишонланади. 2022 йилда ҳам коронавирус пандемиясига қарамай, анъанавий байрам паради бекор қилинмади. «РБК» байрам қандай нишонлангани ҳақидаги фотогалереяни тақдим қилди.
Байрам 1950 йил 26 январда Ҳиндистон конституцияси расман кучга кирган кун шарафига ўтказилади. Республика куни муносабати билан Нью-Деҳлидаги Ражпатх шоҳ кўчасида ҳарбий парад ўтказилди, шунингдек, тантанали тадбирда полициячилар, раққослар ва мактаб ўқувчилари ҳам иштирок этган. 2022 йилда тадбир томошабинлари сонига чеклов белгиланди. Шу йили августда Ҳиндистон мустақиллигига 75 йил тўлади.
Параддаги раққосалар.Фото: Reuters
Ҳиндистон бош вазири Нарендра Моди президент гвардияси аскарига пешвоз чиқмоқда.Фото: Reuters
Ҳарбий парад бир ярим соат давом этди.Фото: Reuters
Коронавируснинг катта моделини кўтариб томоша кўрсатган мактаб ўқувчилариФото: AP Photo
Жамму ва Кашмир штатидан келган полициячиФото: AP Photo
Ҳиндистон армияси аскарлари.Фото: Reuters
Фуқаролик авиациясига бағишланган платформа.Фото: AP Photo
Мактаб ўқувчиларининг рақси.Фото: AP Photo
Субхаса Чандри Боснинг бюсти марказда олиб ўтилмоқда, у Ҳиндистон озодлиги учун курашган инсонларнинг етакчиларидан бири бўлган. Иккинчи жаҳон уруши вақтида у Англия мустамлакачилари билан курашда Япония билан ҳамкорлик қилишга келишган, Сингапурда «Озод Ҳиндистон» администрациясини тузиб, унга раҳбарлик қилган. 1945 йил августда Тайвандаги авиаҳалокатда ҳалок бўлган.Фото: AP Photo
Ҳиндистон темир йўллари ҳимоя кучларида хизмат олиб борувчи аёл ходимларФото: AP Photo
Параднинг ҳаводаги қисми Республика кунлари тарихидаги энг катта шоулардан бирига айланди, унда 75 та самолёт иштирок этди.Фото: AP Photo
Ҳиндистоннинг турли штатлари парадда ўзлари тайёрлаб келган платформалар билан иштирок этди.Фото: AP Photo
Ҳиндистон ҳарбий десантчилари.Фото: AP Photo
Тарихчиларнинг сўзларига кўра, Ҳиндистон аҳолиси учун ушбу парад бир-бирларига ва бутун дунёга мамлакатнинг ҳарбий куч-қудрати, технологик ютуқлари ва маданий хилма-хиллигини намойиш этиш имкониятини беради.Фото: Reuters
Аёллар узунлиги 73 фут (Конституция кучга кирганининг ҳар бир йилига бир футдан қўшилади, 22 метрдан узунроқ) бўлган Ҳиндистон байроғини, мамлакат озодлиги учун курашган инсонларнинг портретлари билан (чапдан ўнгга Маҳатма Ганди, Бҳагат Сингх, Валлабхаи Пател) олиб ўтмоқда. Маҳатма Ганди инглиз мустамлакачиларига қарши курашда зўравонлик ва куч ишлатмасдан ҳаракат қилиш зарур деб ҳисоблаган, шунингдек, Ҳиндистондаги одамларнинг табақаланиши, яъни касталар тизимига қарши чиққан. Бхагат Сингх эса 1931 йилда полициячи ўлдиргани учун қатл қилинган революционер. Валлабхаи Пател — Ҳиндистон конституциясининг муаллифларидан бири.Фото: Reuters
Изоҳ (0)