Ijtimoiy tarmoqlarda Toshkent IESda energoblok bosimi ko‘tarilib, yong‘in yuzaga kelgani to‘g‘risida xabarlar tarqaldi. “Issiqlik elektr stansiyalari” holatga munosabat bildirib, buning yolg‘onligini ma’lum qildi.
Ma’lum qilinishicha, energoblok avtomatik ravishda himoya tizimini ishga tushishi natijasida o‘chganda, uning ishlash davrida ishlab chiqarilgan bug‘lar qozon qurilmalarini himoya qilish maqsadida havoga chiqariladi. Bu tizimda normal texnologik jarayon hisoblanadi.
“Ayni paytda Toshkent IESda elektr energiyasini ishlab chiqarish va energobloklarni yagona tizimga ulash bo‘yicha zaruriy chora-tadbirlar olib borilmoqda”, — deyiladi munosabatda.
Energetika vazirligi ma’lumotlariga ko‘ra, hozirda Toshkent viloyatidagi Chorvoq, Hojikent va Tovoqsoy gidroelektr stansiyalari, Navoiy viloyatidagi Navoiy issiqlik elektr stansiyasi, Qoraqalpog‘iston Respublikasidagi Taxiatosh issiqlik elektr stansiyasi hamda Farg‘ona viloyatidagi Farg‘ona issiqlik elektr markazi orqali energetika tizimiga quvvat uzatish boshlangan. “Daryo” nashri xodimlari va o‘quvchilarining xabar berishicha, Toshkent shahrining ayrim hududlarida elektr ta’minoti tiklanmoqda.
Izoh (0)