Ижтимоий тармоқларда Тошкент ИЭСда энергоблок босими кўтарилиб, ёнғин юзага келгани тўғрисида хабарлар тарқалди. «Иссиқлик электр станциялари» ҳолатга муносабат билдириб, бунинг ёлғонлигини маълум қилди.
Маълум қилинишича, энергоблок автоматик равишда ҳимоя тизимини ишга тушиши натижасида ўчганда, унинг ишлаш даврида ишлаб чиқарилган буғлар қозон қурилмаларини ҳимоя қилиш мақсадида ҳавога чиқарилади. Бу тизимда нормал технологик жараён ҳисобланади.
«Айни пайтда Тошкент ИЭСда электр энергиясини ишлаб чиқариш ва энергоблокларни ягона тизимга улаш бўйича зарурий чора-тадбирлар олиб борилмоқда», — дейилади муносабатда.
Энергетика вазирлиги маълумотларига кўра, ҳозирда Тошкент вилоятидаги Чорвоқ, Ҳожикент ва Товоқсой гидроэлектр станциялари, Навоий вилоятидаги Навоий иссиқлик электр станцияси, Қорақалпоғистон Республикасидаги Тахиатош иссиқлик электр станцияси ҳамда Фарғона вилоятидаги Фарғона иссиқлик электр маркази орқали энергетика тизимига қувват узатиш бошланган. «Дарё» нашри ходимлари ва ўқувчиларининг хабар беришича, Тошкент шаҳрининг айрим ҳудудларида электр таъминоти тикланмоқда.
Изоҳ (0)