Toshkent xalqaro aeroporti elektr energiyasidagi uzilishlar sabab reyslarni qabul qilmayotgani to‘g‘risida xabar berilgandi. Uzbekistan Airports’ning ma’lum qilishicha, O‘zbekiston aeroportlari faoliyati tiklangan.
Ta’kidlanishicha, Toshkent xalqaro aeroporti faqat samolyotlarni qabul qilmoqda.
Uzbekistan Airways matbuot xizmatining ma’lum qilishicha, elektr energiya ta’minotida kuzatilgan uzilish bois, O‘zbekistonga kelayotgan va mamlakatdan chet el davlatlariga sayohatni rejalashtirgan barcha yo‘lovchilar aviaparvozlari vaqti va jadvali majburiy o‘zgartirilishi mumkin.
25-yanvar kuni soat 11:00 larda O‘zbekistonning qator viloyatlarida elektr energiyasi ta’minoti uzildi. Toshkent metropoliteni faoliyati ham to‘xtagan, Respublikadagi barcha poyezdlar o‘z manzillariga kechikib yetib borishi aytilmoqda. Toshkent shahar IIBB esa tibandliklarning oldini olish maqsadida ko‘chaga zarurat bo‘lmasa, shaxsiy mashinada chiqmaslikni tavsiya qilmoqda.
Energetika vazirligining ma’lum qilishicha, Qozog‘iston Elektr tarmog‘ida katta avariya bo‘lishi oqibatida Olmaota, Chimkent, Taras, Turkiston (viloyatlarida) va atrof hududlarida Elektr energiya ta’minotida o‘chishlar yuzaga kelgan. Vazirlik ma’lumotlariga ko‘ra, hozirda Toshkent viloyatidagi Chorvoq, Xojikent va Tovoqsoy gidroelektr stansiyalari, Navoiy viloyatidagi Navoiy issiqlik elektr stansiyasi, Qoraqalpog‘iston Respublikasidagi Taxiatosh issiqlik elektr stansiyasi hamda Farg‘ona viloyatidagi Farg‘ona issiqlik elektr markazi orqali energetika tizimiga quvvat uzatish boshlangan.
Izoh (0)