Koronavirusning “omikron” shtammi deltaga nisbatan jiddiy bo‘lmasa-da, “yengil” toifaga kirmaydi. Bu haqda Jahon sog‘liqni saqlash tashkiloti bosh direktori Tedros Gebreyesus brifingda ma’lum qildi, deb xabar beradi “Korrespondent.net”.
“‘Omikron’ haqiqatan ham delta bilan taqqoslaganda, kamroq jiddiy ko‘rinadi, ayniqsa, emlanganlar uchun, bu uni ‘yengil’ toifaga kiritish kerakligini anglatmaydi. Oldingi variantlar kabi ‘omikron’ odamlarni kasalxonaga murojaat qilishga majbur etmoqda va odamlarni o‘ldiryapti. Kasallanish holatlarining sunamisi shunchalik katta va tezki, u butun dunyo bo‘ylab sog‘liqni saqlash tizimini buzmoqda”, — deydi Gebreyesus.
JSST bosh kotibi, shuningdek, yangi shtamm sabab shifoxonalar to‘lib ketayotgani va yaxshi ta’minlanmay qolayotgani oqibatida nafaqat COVID-19, balki boshqa kasalliklari bor bemorlar orasida ham o‘lim holatini yuzaga keltirayotganini ta’kidlagan.
Gebreyesus odamlarni vaksinatsiyaga va ijtimoiy choralarga rioya qilishga chaqirgan, shuningdek, vaksinani butun dunyo bo‘ylab teng taqsimlanishini so‘ragan.
Reuters agentligining ma’lumotlariga ko‘ra, Chilida keyingi haftadan koronavirusga qarshi vaksinaning to‘rtinchi dozasini qilish boshlanadi. Mamlakat prezidenti Sebastyan Pinyeraning so‘zlariga ko‘ra, 10-yanardan COVID-19 ga qarshi vaksinaning to‘rtinchi dozasini immuniteti kuchsizlangan insonlar olishi mumkin.
Ta’kidlash kerakki, Chili vaksinatsiya ko‘rsatkichi bo‘yicha butun dunyo bo‘ylab eng yetakchilardan. U yerda aholining 85 foizi koronavirusga qarshi ikki marta emlangan.
Avvalroq Janubiy Koreyada, Avstraliyada, Germaniyada, AQSh va Hindistonda “omikron” bilan bog‘liq birinchi o‘lim holatlari kuzatilgandi. Shuningdek, Boris Jonson Britaniyada “omikron” shtammi bilan kasallangan bemor vafot etganini ma’lum qilgandi.
Mavzuga doir:
Izoh (0)