Коронавируснинг «омикрон» штамми дельтага нисбатан жиддий бўлмаса-да, «енгил» тоифага кирмайди. Бу ҳақда Жаҳон соғлиқни сақлаш ташкилоти бош директори Тедрос Гебрейесус брифингда маълум қилди, деб хабар беради «Korrespondent.net».
«‘Омикрон’ ҳақиқатан ҳам дельта билан таққослаганда, камроқ жиддий кўринади, айниқса, эмланганлар учун, бу уни ‘енгил’ тоифага киритиш кераклигини англатмайди. Олдинги вариантлар каби ‘омикрон’ одамларни касалхонага мурожаат қилишга мажбур этмоқда ва одамларни ўлдиряпти. Касалланиш ҳолатларининг цунамиси шунчалик катта ва тезки, у бутун дунё бўйлаб соғлиқни сақлаш тизимини бузмоқда», — дейди Гебрейесус.
ЖССТ бош котиби, шунингдек, янги штамм сабаб шифохоналар тўлиб кетаётгани ва яхши таъминланмай қолаётгани оқибатида нафақат COVID-19, балки бошқа касалликлари бор беморлар орасида ҳам ўлим ҳолатини юзага келтираётганини таъкидлаган.
Гебрейесус одамларни вакцинацияга ва ижтимоий чораларга риоя қилишга чақирган, шунингдек, вакцинани бутун дунё бўйлаб тенг тақсимланишини сўраган.
Reuters агентлигининг маълумотларига кўра, Чилида кейинги ҳафтадан коронавирусга қарши вакцинанинг тўртинчи дозасини қилиш бошланади. Мамлакат президенти Себастьян Пинеранинг сўзларига кўра, 10-янардан COVID-19 га қарши вакцинанинг тўртинчи дозасини иммунитети кучсизланган инсонлар олиши мумкин.
Таъкидлаш керакки, Чили вакцинация кўрсаткичи бўйича бутун дунё бўйлаб энг етакчилардан. У ерда аҳолининг 85 фоизи коронавирусга қарши икки марта эмланган.
Аввалроқ Жанубий Кореяда, Австралияда, Германияда, АҚШ ва Ҳиндистонда «омикрон» билан боғлиқ биринчи ўлим ҳолатлари кузатилганди. Шунингдек, Борис Жонсон Британияда «омикрон» штамми билан касалланган бемор вафот этганини маълум қилганди.
Мавзуга доир:
Изоҳ (0)