Gollivudning nafaqat iste’dodi, balki ajoyib insoniy fazilatlari bilan ham ajralib turadigan aktrisalari (foto)

Odatda taniqli aktrisalar haqida gap ketganda, ularning professional yutuqlari yoki qizil yo‘lak uchun yaratilgan obrazlari muhokama qilinadi. Qoida tariqasida kino yulduzlari hayotining boshqa tomonlari, ayniqsa, sahna ortidagi qismi haqida deyarli hech narsa ma’lum emas. Mashhur insonlarning ayrim xarakterlari yoki amalga oshirgan ishlari e’tiborsiz qoladi. Ammo chiroyli hamda mukammal obraz orqasida har doim muhimroq narsa yashiringan bo‘ladi.

Jennifer Eniston

Muvaffaqiyatli aktrisa Jennifer Enistonga nazar tashlaydigan bo‘lsak, uning kasbida qiyinchilikka duch kelishiga ishonish qiyin. Biroq 2015-yilda aktrisa bolaligidan disleksiya tufayli aziyat chekishini ma’lum qildi – bu yozma nutqni tez va to‘g‘ri tanib olish qobiliyatining buzilishi bilan bog‘liq. Ammo aktrisa muammoning yechimini qidirmadi. Aksincha u nafaqat bu muammo bilan yashashni o‘rgandi, balki katta hajmdagi adabiyotlarni o‘qish va matnlarni yodlashni talab qiladigan kasbni ham tanladi.

Sharliz Teron

Sharliz Teron Janubiy Afrikada tug‘ilib o‘sgan va afrikacha uning ona tili hisoblanadi. Shuning uchun ham Amerikaga ko‘chib o‘tishdan oldin aktrisa ingliz tilida yaxshi gapira olmagan. U ingliz tilni tom ma’noda noldan o‘rganishi kerak edi va karyerasining boshida kuchli afrikacha talaffuzi tufayli ko‘pincha rad javob berilgan. Ammo qisqa vaqt ichida Teron amerikacha talaffuzni shu qadar ustalik bilan egalladiki, uning tarjimayi holi bilan tanish bo‘lmagan tomoshabinlar aktrisaning asli kelib chiqishi haqidagi ma’lumotga umuman ishonmasligi mumkin.

Frensis Makdormand

Gollivudning eng ko‘zga ko‘ringan yulduzlaridan biri Frensis Makdormand tabiiy go‘zallikni afzal ko‘radi. Aktrisa hattoki oqargan sochlarini yashirmaydi, u “Oskar” marosimida ham makiyajsiz ko‘rinish berdi va jasorati bilan tomoshabinlarni o‘ziga rom etadi.

Rene Zellveger

Rene Zellvegerning aktrisalik qobiliyatiga shubha yo‘q. Aktrisaning karyerasida “Oskar” haykalchalari va bir qancha film mukofotlari mavjud. Aktrisa Brijit Jons roli uchun britancha-inglizcha talaffuzni o‘zlashtirdi. U buni shu qadar benuqson bajarganidan nafaqat tomoshabinlar, balki ingliz hamkasblari tomonidan ham olqishlarga sazovor bo‘ldi. Garchi aktrisa o‘zining noyob talaffuzi bilan mashhur bo‘lgan Texasda tug‘ilib o‘sganiga qaramay.

Zendaya

Zendaya Gollivuddagi eng istiqbolli aktrisalardan biridir. Har yili uning ishtirokidagi yorqin loyihalar birin-ketin namoyish etilmoqda. Aktrisa kinodagi rollaridan tashqari o‘zining faol ijtimoiy pozitsiyasi bilan ham tanilgan. Zendaya tabiiy go‘zallik tarafdori va makiyajsiz ko‘rinishdan aslo qo‘rqmaydi. Hattoki u mashhur jurnal uchun tushgan suratining tahrirlanmagan versiyasini ham ko‘rsatgan.

Anjelina Joli

Kasbi uchun Anjelina Joli hamma narsaga tayyor. Aksariyat hollarda aktrisa kaskadyorlarning yordamidan voz kechib, o‘ta murakkab tryuklarni o‘zi bajarishni afzal ko‘radi. “Solt” jangari filmida Jolining o‘zi ko‘prikdan harakatlanayotgan yuk mashinasiga xavfli sakrashlarni amalga oshirgan. Bu kabi katta jismoniy zo‘riqishga dosh berish uchun Anjelina haftada davomida bir necha marta qattiq mashq qilgan.

Ledi Gaga

Ledi Gaga filmografiyasida hali unchalik ko‘p rollar mavjud emas, lekin ularning har biri o‘zining yorqinligi va ifodaliligi bilan ajralib turadi. Bularning barchasi yulduzning mashaqqatli mehnati tufayli. “Guchchi uyi” filmida suratga tushishga tayyorgarlik ko‘rayotgan Ledi Gaga o‘z qahramoni Patritsiya Rejanining tarjimayi holini chuqur o‘rganib chiqdi. Obraz to‘liq va ishonchli bo‘lishi uchun aktrisa italyancha talaffuzni mukammallashtirdi va suratga olish ishlari tugagandan keyin ham 9 oy davomida roldan chiqib keta olmadi.

Kira Naytli

Kira Naytli bir necha bor dunyodagi eng go‘zal ayollardan biri deb topilgan. Ammo shu bilan birga, jamoatchilik aktrisaning qiyofasiga hayratda qoladi: kimdir uni o‘ta nozik, boshqalari esa o‘g‘il bolaga o‘xshash deydi. Kiraning o‘ziga kelsak, u o‘z ko‘rinishidan shunchalik mamnunki, u mashhur jurnallar uchun tushgan suratlarini qayta ishlashni qat’iyan man qiladi.

Riz Uizerspun

Gollivudning mashhur aktrisasi Riz Uizerspun o‘zini nafaqat iste’dodli aktrisa, balki muvaffaqiyatli prodyuser sifatida ham ko‘rsatdi. Aktrisa o‘zining birinchi kompaniyasiga 2000-yilda asos solgan. Riz yigirma yildan ko‘proq vaqt davomida o‘zining mashhur film va teleseriallarga prodyuserlik qildi. 2021-yilda esa Riz o‘zining muvaffaqiyatli kompaniyasi – Hello Sunshine’ning ulushini 900 million dollarga sotdi.