Голливуднинг нафақат истеъдоди, балки ажойиб инсоний фазилатлари билан ҳам ажралиб турадиган актрисалари (фото)

Одатда таниқли актрисалар ҳақида гап кетганда, уларнинг профессионал ютуқлари ёки қизил йўлак учун яратилган образлари муҳокама қилинади. Қоида тариқасида кино юлдузлари ҳаётининг бошқа томонлари, айниқса, саҳна ортидаги қисми ҳақида деярли ҳеч нарса маълум эмас. Машҳур инсонларнинг айрим характерлари ёки амалга оширган ишлари эътиборсиз қолади. Аммо чиройли ҳамда мукаммал образ орқасида ҳар доим муҳимроқ нарса яширинган бўлади.

Женнифер Энистон

Муваффақиятли актриса Женнифер Энистонга назар ташлайдиган бўлсак, унинг касбида қийинчиликка дуч келишига ишониш қийин. Бироқ 2015 йилда актриса болалигидан дислексия туфайли азият чекишини маълум қилди – бу ёзма нутқни тез ва тўғри таниб олиш қобилиятининг бузилиши билан боғлиқ. Аммо актриса муаммонинг ечимини қидирмади. Аксинча у нафақат бу муаммо билан яшашни ўрганди, балки катта ҳажмдаги адабиётларни ўқиш ва матнларни ёдлашни талаб қиладиган касбни ҳам танлади.

Шарлиз Терон

Шарлиз Терон Жанубий Африкада туғилиб ўсган ва африкача унинг она тили ҳисобланади. Шунинг учун ҳам Америкага кўчиб ўтишдан олдин актриса инглиз тилида яхши гапира олмаган. У инглиз тилни том маънода нолдан ўрганиши керак эди ва карьерасининг бошида кучли африкача талаффузи туфайли кўпинча рад жавоб берилган. Аммо қисқа вақт ичида Терон америкача талаффузни шу қадар усталик билан эгалладики, унинг таржимаи ҳоли билан таниш бўлмаган томошабинлар актрисанинг асли келиб чиқиши ҳақидаги маълумотга умуман ишонмаслиги мумкин.

Френсис Макдорманд

Голливуднинг энг кўзга кўринган юлдузларидан бири Френсис Макдорманд табиий гўзалликни афзал кўради. Актриса ҳаттоки оқарган сочларини яширмайди, у «Оскар» маросимида ҳам макияжсиз кўриниш берди ва жасорати билан томошабинларни ўзига ром этади.

Рене Зеллвегер

Рене Зеллвегернинг актрисалик қобилиятига шубҳа йўқ. Актрисанинг карьерасида «Оскар» ҳайкалчалари ва бир қанча фильм мукофотлари мавжуд. Актриса Брижит Жонс роли учун британча-инглизча талаффузни ўзлаштирди. У буни шу қадар бенуқсон бажарганидан нафақат томошабинлар, балки инглиз ҳамкасблари томонидан ҳам олқишларга сазовор бўлди. Гарчи актриса ўзининг ноёб талаффузи билан машҳур бўлган Техасда туғилиб ўсганига қарамай.

Зендая

Зендая Голливуддаги энг истиқболли актрисалардан биридир. Ҳар йили унинг иштирокидаги ёрқин лойиҳалар бирин-кетин намойиш этилмоқда. Актриса кинодаги ролларидан ташқари ўзининг фаол ижтимоий позицияси билан ҳам танилган. Зендая табиий гўзаллик тарафдори ва макияжсиз кўринишдан асло қўрқмайди. Ҳаттоки у машҳур журнал учун тушган суратининг таҳрирланмаган версиясини ҳам кўрсатган.

Анжелина Жоли

Касби учун Анжелина Жоли ҳамма нарсага тайёр. Аксарият ҳолларда актриса каскадёрларнинг ёрдамидан воз кечиб, ўта мураккаб трюкларни ўзи бажаришни афзал кўради. «Солт» жангари фильмида Жолининг ўзи кўприкдан ҳаракатланаётган юк машинасига хавфли сакрашларни амалга оширган. Бу каби катта жисмоний зўриқишга дош бериш учун Анжелина ҳафтада давомида бир неча марта қаттиқ машқ қилган.

Леди Гага

Леди Гага фильмографиясида ҳали унчалик кўп роллар мавжуд эмас, лекин уларнинг ҳар бири ўзининг ёрқинлиги ва ифодалилиги билан ажралиб туради. Буларнинг барчаси юлдузнинг машаққатли меҳнати туфайли. «Гуччи уйи» фильмида суратга тушишга тайёргарлик кўраётган Леди Гага ўз қаҳрамони Патриция Режанининг таржимаи ҳолини чуқур ўрганиб чиқди. Образ тўлиқ ва ишончли бўлиши учун актриса итальянча талаффузни мукаммаллаштирди ва суратга олиш ишлари тугагандан кейин ҳам 9 ой давомида ролдан чиқиб кета олмади.

Кира Найтли

Кира Найтли бир неча бор дунёдаги энг гўзал аёллардан бири деб топилган. Аммо шу билан бирга, жамоатчилик актрисанинг қиёфасига ҳайратда қолади: кимдир уни ўта нозик, бошқалари эса ўғил болага ўхшаш дейди. Киранинг ўзига келсак, у ўз кўринишидан шунчалик мамнунки, у машҳур журналлар учун тушган суратларини қайта ишлашни қатъиян ман қилади.

Риз Уизерспун

Голливуднинг машҳур актрисаси Риз Уизерспун ўзини нафақат истеъдодли актриса, балки муваффақиятли продюсер сифатида ҳам кўрсатди. Актриса ўзининг биринчи компаниясига 2000 йилда асос солган. Риз йигирма йилдан кўпроқ вақт давомида ўзининг машҳур фильм ва телесериалларга продюсерлик қилди. 2021 йилда эса Риз ўзининг муваффақиятли компанияси – Hello Sunshine’нинг улушини 900 миллион долларга сотди.