Muvaffaqiyatsiz filmlardan millionlab mablag‘ ishlab olgan yulduzlar (foto)

Katta haq evaziga suratga tushganiga qaramay, ishtiroki filmning muvaffaqiyatli chiqishiga sabab bo‘lmagan aktyorlar haqida Grazia nashri ma’lumot berib o‘tadi.

Jonni Depp

Jonni Depp Gollivudning eng ko‘p haq to‘lanadigan aktyorlaridan sanaladi. Birgina “Alisa mo‘jizalar mamlakatida” filmidan 68 million dollarni qo‘lga kiritgan. Ammo shunga qaramay, film yetarlicha mashhurlikka erishmagan.

Xarrison Ford

Paramount Pictures “Indiana Jons va afsonaviy billur chanoq” filmida Ford-Spilberg va Lukasni birlashtirishga harakat qilgan. Oqibatda suratga olish va reklama xarajatlarini kamaytirish hisobiga umumiy daromadni rejissor, prodyuser va aktyor o‘rtasida teng taqsimlashga qaror qilingan. Natijada Xarrisonga 65 million dollar to‘langan. Ammo shunga qaramay, film tomoshabinlar qalbidan chuqur joy ololmagan.

Adam Sendler

Adam Sendler striming platformalari mashhurlikka erishishidan avvalroq Netflix yulduzi sifatida ma’lum bo‘lgan. 2014-yilda u 4 ta filmda suratga tushish uchun shartnoma imzolab, 250 million dollarni qo‘lga kiritgan. Ammo ishtirokidagi birinchi vestern atigi 4,8 ball to‘plagan.

Xolli Berri

“Mushuk ayol” filmi ortidan aktrisa karyerasidagi eng katta — naqd 14 million dollarni qo‘lga kiritgan. Ammo 100 million dollar sarflangan film prokatlarda atigi 82 million dollar to‘plagan.

Sheron Stoun

“Asosiy tuyg‘u” filmi sabab Sheron olamshumul mashhurlik va 500 ming dollarga ega bo‘lgan. Filmning davomida suratga tushishi uchun unga 14 million dollar to‘langan, ammo loyiha muvaffaqiyatsiz bo‘lgan.

Dueyn Jonson

Dueyn Jonson bir necha yildan buyon Gollivudning eng ko‘p haq to‘lanadigan aktyori hisoblanadi. Birgina “Jungli bo‘ylab sayohat” filmi uchun u 22 million dollar talab qilgan. Shunga qaramay, film kutilganidek muvaffaqiyatli chiqmagan. Shuningdek, tanqidchilarning loyiha haqidagi fikri ham ijobiy bo‘lmagan.