Hukumatning 3-yanvardagi qarori bilan ko‘p kvartirali uylarni boshqarish faoliyatini amalga oshirish qoidalari tasdiqlandi, deb xabar bermoqda Adliya vazirligi matbuot xizmati.
Nizomga muvofiq, ko‘p kvartirali uylarni boshqarish faoliyati uy-joydan foydalanishda qulay va xavfsiz sharoitlarni yaratish, umumiy mol-mulkni saqlash va undan foydalanish uchun zarur xizmatlar va ishlarni qamrab oladi.
Ko‘p kvartirali uyni boshqarish organi uyga kirish qismida quyidagi ma’lumotlarni doimiy joylashtirib borishi shart:
- boshqarish organining nomi, manzili, telefoni, ish tartibi, veb-sayti;
- kommunal xizmat ko‘rsatuvchi tashkilotlarniing aloqa telefonlari;
- ta’mirlash ishlari vaqti;
- majburiy badal, ko‘rsatiladigan xizmatlar uchun to‘lov miqdori.
Shuningdek, xonadonlardagi kanalizatsiyalar tiqilib qolganida va ifloslanish holatlari bo‘lganida bu holatlar 2 soatda bartaraf etilishi kerak. Sovuq, issiq suv, issiqlik va elektr ta’minoti va kanalizatsiya avariyaviy shikastlanganda bu holatlar 3 kunda bartaraf etiladi.
Izoh (0)