Futbol bo‘yicha Angliya Premyer Ligasining 20-turidan o‘rin olgan bir qator o‘yinlar 29-dekabr, chorshanba kuni bo‘lib o‘tdi.
“Chelsi” Londonda “Brayton”ni qabul qildi. Uchrashuvning 28-daqiqasida Romelu Lukaku mezbonlarni hisobda oldinga olib chiqqan bo‘lsa, ikkinchi bo‘lim so‘nggi daqiqalarida Denni Uelbek muvozanatni tikladi. O‘yin durang natija bilan yakunlandi.
Tomas Tuxel jamoasi 42-ochko bilan 2-o‘rinni band etib turibdi. “Brayton” 24 ochko bilan 10-pog‘onadan joy olgan.
“Manchester Siti” “Brentford” mehmoni bo‘ldi. “Shaharliklar” Fil Fodenning yagona goli evaziga g‘alaba qozondi.
Pep Gvardiola shogirdlari ushbu g‘alabadan so‘ng ochkolari sonini 50 taga yetkazdi va musobaqa jadvalida yetakchilikni yanada mustahkamladi. “Brentford” 20 ochko bilan 14-o‘rinda bormoqda.
APL
20-tur bahslari
29-dekabr, chorshanba
“Chelsi” – “Brayton” 1:1
Gollar: 1:0 – 28 Lukaku, 1:1 – 90+1 Uelbek.“Chelsi”: Mendi, Aspilikueta, Ryudiger, Kristensen (Chaloba, 46), Jeyms (Alonso, 27), Pulishich, Kovachich, Jorjinyo, Maunt, Lukaku, Hadson-Odoi (Kante, 67).
“Brayton”: Sanches, Lempti (Mvepu, 66), Bern, Veltman, Kukurelya, March, Lallana, Moder (Alsate, 88), Bissuma, Mak Allister (Uelbek, 80), Mope.
Ogohlantirishlar: Ryudiger (41), Kovachich (58), Hadson-Odoi (64), Maunt (81), Bissuma (81).
“Brentford” – “Manchester Siti” 0:1
Gol: 0:1 – 16 Foden.“Brentford”: Alvaro Fernandes, Roerslev, Yansson, Sorensen, Pinnok, Tompson (Goddos, 82), Yensen, Oneka (Bidstrup, 75), Baptist, Touni, Vissa (Kanos, 69).
“Manchester Siti”: Ederson, Joau Kanselu, Laport, Ruben Diash, Ake, Fernandinyo, de Bryuyne, Bernardu Silva, Grilish, Foden, Gabriel Jezus.
Izoh (0)