Футбол бўйича Англия Премьер Лигасининг 20-туридан ўрин олган бир қатор ўйинлар 29 декабрь, чоршанба куни бўлиб ўтди.
«Челси» Лондонда «Брайтон»ни қабул қилди. Учрашувнинг 28-дақиқасида Ромелу Лукаку мезбонларни ҳисобда олдинга олиб чиққан бўлса, иккинчи бўлим сўнгги дақиқаларида Дэнни Уэлбек мувозанатни тиклади. Ўйин дуранг натижа билан якунланди.
Томас Тухель жамоаси 42-очко билан 2-ўринни банд этиб турибди. «Брайтон» 24 очко билан 10-поғонадан жой олган.
«Манчестер Сити» «Брентфорд» меҳмони бўлди. «Шаҳарликлар» Фил Фоденнинг ягона голи эвазига ғалаба қозонди.
Пеп Гвардиола шогирдлари ушбу ғалабадан сўнг очколари сонини 50 тага етказди ва мусобақа жадвалида етакчиликни янада мустаҳкамлади. «Брентфорд» 20 очко билан 14-ўринда бормоқда.
АПЛ
20-тур баҳслари
29 декабрь, чоршанба
«Челси» – «Брайтон» 1:1
Голлар: 1:0 – 28 Лукаку, 1:1 – 90+1 Уэлбек.«Челси»: Менди, Аспиликуэта, Рюдигер, Кристенсен (Чалоба, 46), Жеймс (Алонсо, 27), Пулишич, Ковачич, Жоржиньо, Маунт, Лукаку, Ҳадсон-Одои (Канте, 67).
«Брайтон»: Санчес, Лэмпти (Мвепу, 66), Берн, Велтман, Кукурелья, Марч, Лаллана, Модер (Алсате, 88), Биссума, Мак Аллистер (Уэлбек, 80), Мопе.
Огоҳлантиришлар: Рюдигер (41), Ковачич (58), Ҳадсон-Одои (64), Маунт (81), Биссума (81).
«Брентфорд» – «Манчестер Сити» 0:1
Гол: 0:1 – 16 Фоден.«Брентфорд»: Альваро Фернандес, Роэрслев, Янссон, Соренсен, Пиннок, Томпсон (Годдос, 82), Йенсен, Онека (Бидструп, 75), Баптист, Тоуни, Висса (Канос, 69).
«Манчестер Сити»: Эдерсон, Жоау Канселу, Лапорт, Рубен Диаш, Аке, Фернандиньо, де Брюйне, Бернарду Сильва, Грилиш, Фоден, Габриэль Жезус.
Изоҳ (0)