Futbol bo‘yicha Angliya Premyer Ligasining 20-turidan o‘rin olgan bir qator o‘yinlar 28-dekabr, seshanba kuni bo‘lib o‘tdi.
“Liverpul” safarda “Lester” bilan bahs yuritdi va mag‘lubiyatga uchradi. “Tulkilar”ga g‘alaba keltirgan yagona golga 59-daqiqada Ademola Lukman mualliflik qildi.
Qayd etish kerak, Muhammad Saloh 16-daqiqada 11 metrlik jarima zarbasidan unumli foydalana olmadi.
Ushbu g‘alabadan keyin “Lester”ning ochkolari soni 25 taga yetdi va 9-o‘ringa ko‘tarildi. “Liverpul” esa 41 ochko bilan 2-pog‘onada bormoqda, “qizillar” peshqadam “Manchester Siti”dan 6 ochkoga ortda qolmoqda.
“Tottenhem” ham tur doirasida safarda o‘yin o‘tkazdi. “Shporlar” “Sauthempton” maydonida mehmon bo‘lib, 1:1 hisobidagi durangga imzo chekdi.
APL
20-tur bahslari
28-dekabr, seshanba
“Lester” – “Liverpul” 1:0
Gol: 1:0 – 59 Lukman.“Lester” – Shmeyxel, Kastan, Amarti, Ndidi, Tomas, Meddison (Olbrayton, 68), Sumare, Chouduri (Lukman, 56), Dyuzberi-Holl, Vardi, Iheanacho (Tilemans, 56).
“Liverpul” – Alisson, Aleksander-Arnold, Matip, van Deyk, Simikas, Henderson (Firmino, 70), Oksleyd-Chemberlen (Keyta, 55), Fabinyo (Milner, 64), Saloh, Mane, Diogu Jota.
Ogohlantirishlar: Matip (4).
Izoh (0)