Namangandagi “Yangi O‘zbekiston — yoshlar ziyo maskani” kutubxonasida kitoblardan barpo etilgan archa qad rostladi. Bu haqda “Daryo” muxbiri Azizbek Abduvaliyev xabar bermoqda.
Archaning balandligi 2 metrdan ziyod.
Uni shu holatga keltirish uchun turli hajm va kattalikdagi mingdan ortiq kitobdan foydalanildi.
“Bu g‘oya kutubxonamiz xodimi Doniyor Yusufga tegishli. Shu taklifni berganida biroz ikkilangandim, lekin keyin o‘zimga ham ma’qul keldi. Archa shaklini hosil qilish uchun bir kun vaqtimiz ketdi. Ketgan vaqtimizga achinganimiz yo‘q, chunki shundan beri uning oldida suratga tushib ketishni istovchilarning keti uzilmayapti. Bu g‘aroyib archa kutubxonamizning o‘ziga xos ramziga aylanib qoldi”, — deydi kutubxona direktori Dilnoza Azizova.
Izoh (0)