Ijtimoiy tarmoqlarda qurilayotgan obyektda ikkita artilleriya snaryadi topilgani to‘g‘risidagi video tarqaldi. Mazkur holat yuzasidan IIV matbuot xizmati ma’lumot berdi.
Qayd etilishicha, 2021-yil 27-dekabr kuni 102 raqamiga 26 yoshli fuqaro Sh.T.dan xabar kelib tushgan. Uning gapiga ko‘ra, u tanishi 29 yoshli A.M. bilan birgalikda Yakkasaroy tumanida qurilayotgan obyekt hududida shubhali, artilleriya aslahalariga o‘xshash zanglagan buyumlar topgan. U fuqarolik mas’uliyatidan kelib chiqib tezkor xizmatlarga xabar bergan.
Ko‘rsatilgan manzilga Toshkent shahar IIBB xodimlari IIVning maxsus mutaxassislari bilan birgalikda yetib kelgan. Tekshiruv o‘tkazilgach, topilgan buyumlar o‘quv mashg‘ulotlari davomida foydalanishga mo‘ljallangan ikkita 115 millimetrlik o‘quv snaryadi va ikkita 82 millimetrlik o‘quv minomyoti ekanligi ma’lum bo‘ldi.
Mazkur holat bo‘yicha o‘rganish ishlari davom etmoqda.
Mavzuga doir:
Izoh (0)