Toshkent viloyatida ayolning ishqiy yozishmalarini eriga jo‘natmaslik uchun 20 million so‘m talab qilgan erkak ushlandi. Bu haqda IIV matbuot xizmati xabar berdi.
Ma’lum bo‘lishicha, G‘ijduvon tumanida yashovchi 40 yoshli ayol R.Z. Toshkent viloyatida yashovchi T.Sh. bilan Instagram’da tanishib, u bilan ishqiy munosabatda bo‘lgan. Shundan so‘ng ular ishqiy munosabatdagi xabarlar yozishgan.
Shundan so‘ng T.Sh. xabarlarni turmush o‘rtog‘i va yaqin qarindoshlari hamda internet orqali tarqatib yuborish bilan R.Z.ni qo‘rqitib, undan 20 million so‘m talab qilgan.
Shu kuni o‘tkazilgan tezkor tadbir natijasida ilgari sudlangan, Toshkent viloyatida yashovchi 36 yoshli T.Sh. R.Z.dan so‘ralgan 20 million so‘mni olgan vaqtida ushlandi.
Surishtiruv ishlari davomida T.Sh. R.Z.dan oldin ham tovlamachilik yo‘li bilan 70 million so‘m olganini va haqiqatan ham telefonda R.Z. bilan o‘zaro ishqiy munosabatdagi yozishmalari mavjudligini ma’lum qildi.
Tezkor surishtiruv ishlari davom ettirilmoqda.
Mavzuga doir:
- Toshkentda uyma-uy yurib, o‘zini yong‘in nazorati xodimi sifatida tanishtirgan holda pul undirayotgan firibgarlar yana paydo bo‘lgani aytilmoqda
- Qashqadaryoda sobiq xotinining shaxsiga oid ma’lumotlarni tarqatmaslik uchun 5 ming dollar talab qilgan erkak ushlandi
- Buxoroda tanishlari orqali haydovchilik guvohnomasi olib berish uchun 3 mln so‘m pora olgan avtomaktab o‘qituvchisi ushlandi
Izoh (0)