Turkiya terrorizmni moliyalashtirilishi asosida jami 770 kishi va Amerika fondining aktivlarini muzlatib qo‘ydi. Bu haqda Diken nashriga tayanib, Tengrinews xabar berdi.
Nashr ma’lumotlariga ko‘ra, Chikagoda joylashgan Niagara Foundation fondining aktivlari Turkiya tomonidan mamlakatda 2016-yili davlat to‘ntarishini amalga oshirishga urinishda ayblangan FETO jamoat tashkilotining rahbari Fathulloh Gulen bilan aloqalari sabab “muzlatilgan”. Shuningdek, 400 dan ortiq kishining aktivlarini muzlatilishiga ham Gulen bilan aloqalari sabab bo‘lgani aytilmoqda.
“Ushbu qadam oqilona asosda qabul qilingan, chunki ularning harakati terrorizmni moliyalashtirish jinoyati va mablag‘larini taqdim etish yoki yig‘ishda taqiqlangan harakatlar moddalariga mos keladi”, — deyiladi xabarda.
Shuningdek, ta’kidlanishicha, yana 200 dan ortiq kishining aktivlari Kurdiston Ishchilar partiyasi va IShID jangarilariga aloqasi borligi uchun muzlatilgan.
Turk hukumati FETO va uning rahbarini 2016-yilning 16-iyuliga o‘tar kechasi sodir bo‘lgan davlat to‘ntarilishiga urinishda aybdor deb hisoblaydi. O‘shanda bir guruh turk askarlari prezident Rajab Toyyib Erdo‘g‘onni qo‘lga olishga uringan. Istanbul va Anqarada yuz bergan to‘qnashuvlar oqibatida 248 kishi halok bo‘lgan, ikki mingdan ziyod kishi tan jarohati olgan.
Anqara Gulenni maktablar va boshqa ta’lim muassasalarida hukumatga qarshi tashviqot olib borgan deb hisoblaydi. 1999-yildan beri Gulen AQShda yashaydi, Turkiya esa Vashingtondan uning ekstraditsiya qilinishini talab qilmoqda.
Turkiyadagi isyondan keyin 80 dan ortiq odam hibsga olingan, 150 ga yaqin davlat xizmatchisi, jumladan, harbiylar ishdan olingan. AQShda yashab kelayotgan Gulenning o‘zi davlat to‘ntarishiga bo‘lgan urinishni qoralagan va unga o‘zining aloqasi borligini rad etgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)