Туркия терроризмни молиялаштирилиши асосида жами 770 киши ва Америка фондининг активларини музлатиб қўйди. Бу ҳақда Diken нашрига таяниб, Tengrinews хабар берди.
Нашр маълумотларига кўра, Чикагода жойлашган Niagara Foundation фондининг активлари Туркия томонидан мамлакатда 2016 йили давлат тўнтаришини амалга оширишга уринишда айбланган FETO жамоат ташкилотининг раҳбари Фатҳуллоҳ Гулен билан алоқалари сабаб «музлатилган». Шунингдек, 400 дан ортиқ кишининг активларини музлатилишига ҳам Гулен билан алоқалари сабаб бўлгани айтилмоқда.
«Ушбу қадам оқилона асосда қабул қилинган, чунки уларнинг ҳаракати терроризмни молиялаштириш жинояти ва маблағларини тақдим этиш ёки йиғишда тақиқланган ҳаракатлар моддаларига мос келади», — дейилади хабарда.
Шунингдек, таъкидланишича, яна 200 дан ортиқ кишининг активлари Курдистон Ишчилар партияси ва ИШИД жангариларига алоқаси борлиги учун музлатилган.
Турк ҳукумати FETO ва унинг раҳбарини 2016 йилнинг 16 июлига ўтар кечаси содир бўлган давлат тўнтарилишига уринишда айбдор деб ҳисоблайди. Ўшанда бир гуруҳ турк аскарлари президент Ражаб Тоййиб Эрдўғонни қўлга олишга уринган. Истанбул ва Анқарада юз берган тўқнашувлар оқибатида 248 киши ҳалок бўлган, икки мингдан зиёд киши тан жароҳати олган.
Анқара Гуленни мактаблар ва бошқа таълим муассасаларида ҳукуматга қарши ташвиқот олиб борган деб ҳисоблайди. 1999 йилдан бери Гулен АҚШда яшайди, Туркия эса Вашингтондан унинг экстрадиция қилинишини талаб қилмоқда.
Туркиядаги исёндан кейин 80 дан ортиқ одам ҳибсга олинган, 150 га яқин давлат хизматчиси, жумладан, ҳарбийлар ишдан олинган. АҚШда яшаб келаётган Гуленнинг ўзи давлат тўнтаришига бўлган уринишни қоралаган ва унга ўзининг алоқаси борлигини рад этган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)