AOKAda 24-dekabr kuni Ekologiya va atrof-muhitni muhofaza qilish davlat qo‘mitasi rahbariyati ishtirokida matbuot anjumani bo‘lib o‘tdi. Bu haqda “Rasmiy xabarlar” ma’lum qildi.
Qayd etilishicha, “Yashil makon” umummilliy loyihasi doirasida ko‘kalamzorlashtirish ishlarini jadallashtirish, daraxtlar muhofazasini yanada samarali tashkil etish maqsadida “Dolzarb 40 kunlik” e’lon qilingan. Unga ko‘ra, har yili respublika hududlarida 200 million dona ko‘chat ekish ko‘zda tutilgan. 2021-yil kuzida 75 million dona ko‘chat o‘tqazilgan. 2022-yil bahor mavsumida 125 million dona manzarali va mevali ko‘chatlar ekilishi belgilab olingan.
2021-yilning 23-dekabr holatiga 82 million 273 ming dona ko‘chatlar ekilgan. Bu rejaga nisbatan 109,7 foizni tashkil etadi.
Bundan tashqari, “yashilmakon” — yagona elektron bazasi shakllantirilib, jami 28 nafar mutaxassis biriktirilgan. Shu kunga qadar tizimga 58 million 815 ming 66 dona ekilgan turli xildagi manzarali va mevali daraxt ko‘chatlari kiritilgan.
Mavzuga doir:
- O‘zbekistonda 2022-yilda 500 ming gektardan ziyod tomorqadan samarali foydalanish uchun 100 million dollar ajratiladi
- O‘zbekistonda 2021-yilning 10 oyi davomida daraxtlarning noqonuniy kesilishidan keltirilgan zarar 10 mlrd so‘mdan oshdi
- “30 yillik tariximizda har hasharda e’lon qilingan ko‘chatlar amalda ekilganida edi, O‘zbekiston o‘rmonzorga aylanib ketardi” — bloger rasmiylarni tabiat o‘zgarishlariga jiddiy qarashga chaqirdi
Izoh (0)