Buxoro viloyati prokuraturasi tomonidan o‘tkazilgan tekshiruvda viloyat Xalq ta’limi boshqarmasi 2021/2022-o‘quv yili uchun “Yoshlik” jismoniy tarbiya va sport jamiyatiga a’zolikka qabul qilish va a’zolik badallarini yig‘ish to‘g‘risida majburiy xarakterda bo‘lgan buyruq qabul qilgani aniqlandi.
O‘zAning ma’lum qilishicha, ushbu buyruq ilovasida viloyatdagi jami 169 339 nafar o‘quvchidan 914,4 million so‘m va 28 488 nafar pedagog xodimdan 307,6 million so‘m a’zolik badallarini yig‘ish reja-grafigi tasdiqlangan.
Viloyat prokuraturasining tekshirishi davomida Xalq ta’limi boshqarmasining 2021-yil 10-dekabrdagi buyrug‘i bilan yuqoridagi buyruq bekor qilingan. Boshqarma boshlig‘i qonun buzilishiga yo‘l qo‘ymaslik haqida rasman ogohlantirilgan.
Ma’lumot uchun, a’zolik badallarini to‘lash ixtiyoriy bo‘lib, har qanday majburiy to‘lov undirilishi qonunga muvofiq javobgarlikka sabab bo‘ladi.
Mavzuga doir:
- Marg‘ilon shahar xalq ta’limi bo‘limi sobiq boshlig‘i 1,7 mlrd so‘mni talon-toroj qilgani aniqlandi
- Andijon shahar xalq ta’limi bo‘limining sobiq rahbari 141 mln so‘m mablag‘ni talon-toroj qilgani aniqlandi
- Samarqand xalq ta’limi tizimida 6 milliarddan ortiq mablag‘ talon-toroj qilingani ma’lum bo‘ldi