Davlat rahbari raisligida o‘tkazilgan videoselektor yig‘ilishida ikkinchi yo‘nalish bo‘yicha ustuvor vazifalar belgilandi. Unga ko‘ra, 29 ta o‘rta va yirik shaharlar hamda aholisi 300 mingdan yuqori 6 ta tumanda zamonaviy bozor xizmatlari rivojlantiriladi.
Shaharlar va yirik tumanlarda xizmatlarni ko‘paytirish uchun ta’lim, tibbiyot, san’at, turizm, uy-joy va transport imkoniyatlarini oshirish kerakligi qayd etildi.
“Shaharlardagi aksariyat davlat maktablari 2 barobar ko‘p yuklama bilan ishlayotgani, bog‘cha o‘rinlari yetishmayotgani hech kimga sir emas. Shu bois, shaharlarda xususiy ta’lim xizmatlari qamrovini kengaytiramiz. Buning uchun ham sohaga, ham aholiga katta imkoniyat va yengilliklar yaratyapmiz”, — dedi prezident.
Bir oy muddatda aholining haqiqiy ehtiyojini o‘rganib, 100 ta qulay yer maydonlarini belgilab, maktab va bog‘cha qurish sharti bilan auksion orqali tadbirkorlarga berish topshirildi.
Umuman, 29 ta shahar va 6 ta yirik tumanda xizmat ko‘rsatish sohasida 200 ming ish o‘rni yaratiladi.
Mavzuga doir:
- Toshkentni ta’lim, tibbiyot, biznes va madaniy-ko‘ngilochar markazga aylantirish bo‘yicha dastur ishlab chiqiladi
- “2022-yilda yo‘l bo‘ylarida kamida 3 mingta loyihani to‘liq ishga tushirish shart” – Shavkat Mirziyoyev
- Shavkat Mirziyoyev: “Mas’ullar masala ichiga kirib, mahallabay ishlamagani oqibatida aholiga xizmat ko‘rsatish darajasi pastligicha qolmoqda”
Izoh (0)