Sirojiddin Eshmatov Davlat soliq qo‘mitasi raisi o‘rinbosari lavozimiga tayinlandi, deb xabar bermoqda Telegram’dagi “Nigoh” kanali.
Sirojiddin Eshmatov 1971-yilda Qashqadaryo viloyatida tug‘ilgan. 1991-yilda Toshkent xalq xo‘jaligi instituti, 1999-yilda Prezident huzuridagi Davlat va jamiyat qurilish akademiyasini tamomlagan.
Soliq tizimidagi faoliyatini 1992-yilda Kitob shahar davlat soliq inspeksiyasida inspektorlik vazifasidan boshlab, 27 yil davomida viloyat soliq xizmati organlarida turli rahbarlik lavozimlarida mehnat qilgan.
Tayinlovga qadar 2019-yilning martidan buyon Surxondaryo viloyati davlat soliq boshqarmasi boshlig‘i lavozimida ishlab kelayotgandi.
Jizzax viloyati davlat soliq boshqarmasi boshlig‘ining birinchi o‘rinbosari lavozimida ishlab kelgan Erkin Narmanov Sirojiddin Eshmatov o‘rniga Surxondaryo viloyati davlat soliq boshqarmasi boshlig‘i lavozimiga tayinlandi.
Izoh (0)