Yevrokuboklarda 9-dekabr kuni guruh bosqichining so‘nggi tur o‘yinlari o‘tkazildi va keyingi bosqichga yo‘l olgan barcha jamoalar nomi ma’lum bo‘ldi.
Yevropa Ligasi guruh bosqichida birinchi o‘rinni olgan jamoalar to‘g‘ridan to‘g‘ri 1/8 finalga yo‘l olgan. Ikkinchi o‘rin egalari esa YChL guruh bosqichida uchinchi o‘rin olgan jamoalar bilan o‘tish o‘yinida ishtirok etadi va uning g‘olibi nimchorak final ishtirokchisiga aylanadi.
- Birinchi o‘rin egalari: “Spartak”, “Lion”, “Monako”, “Ayntraxt”, “Galatasaroy”, “Srvena Zvezda”, “Bayer”, “Vest Hem”.
- YChLda uchinchi o‘rinni olganlar: “Zenit”, “Leypsig”, “Portu”, “Borussiya D”, “Sherif”, “Barselona”, “Atalanta” va “Sevilya”.
- Yevropa Ligasida 2-o‘rin egalari: “Reynjers”, “Real Sosyedad”, “Napoli”, “Olimpiakos”, “Latsio”, “Braga”, “Betis”, “Dinamo” Zagreb.
Eldor Shomurodov jamoasi o‘z guruhida birinchi o‘rinni olgan holda Konferensiyalar Ligasi nimchorak finaliga chiqdi. Shuningdek, “AZ”, “Bazel”, “Kopengagen”, “Feyenoord”, “Gent”, “LASK”, “Renn” kabi jamoalar ham o‘z guruhini birinchi o‘rinda yakunlagan.
Pley-off bosqichiga 13-dekabr, dushanba kuni qur’a tashlanadi. Avvalroq Chempionlar Ligasida barcha 1/8 final ishtirokchilari aniqlangani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)