O‘zbekistonlik futbolchi Oleg Zoteyev to‘p suradigan “Chonnam Dragons” jamoasi Janubiy Koreya futbol assotsiatsiyasi Kubogi sohibiga aylandi.
Finalda Key-Liga 2 da o‘ynaydigan “Chonnam Dragons” klubi oliy divizion vakili “Tegu” bilan bahs olib bordi va 4:3 hisobida g‘alaba qozondi. Uchrashuvdagi gollardan biriga o‘zbekistonlik himoyachi Oleg Zoteyev mualliflik qildi.
Kubok finalidagi g‘alabadan so‘ng “Chonnam Dragons” 2022-yilgi Osiyo Chempionlar Ligasida ishtirok etish huquqini qo‘lga kiritdi.
Oleg Zoteyev jamoasi finalga qadar “Pohang Stilers”, “Ulsan Hyunday” kabi jamoalar ustidan g‘alaba qozongandi.
Eslatib o‘tamiz, “Chonnam Dragons” Key-Liga 2 2021-yilgi mavsumida 4-o‘rinni qo‘lga kiritgan va o‘tish o‘yinlarida muvaffaqiyatsizlikka uchrab, Key-Liga 1 yo‘llanmasidan quruq qolgandi.
Janubiy Koreya FA kubogi
Final bahsi
11-dekabr, shanba
“Tegu” — “Chonnam Dragons” 3:4
Gollar: 0:1 — 39 Park Chan Yon, 1:1 — 41 Edgar Silva, 1:2 — 45+1 Jan Syon Je, 2:2 — 51 Edgar Silva, 2:3 — 55 Oleg Zoteyev, 3:3 — 67 Nishi, 3:4 — 83 Chon Je Hi.Chetlatishlar: Hon Chon Un (25) — Chon Ho Jin (76).
Izoh (0)