Профессионал бокснинг оғир вазн тоифасида ҳаракат қилиб келаётган Баҳодир Жалолов (9-0, 9 КО) 11 декабрь, шанба куни Дубайда ташкил этилган бокс кечасида рингга кўтарилди.
Ўзбекистонлик боксчига колумбиялик Хулио Цезарь Калимено рақиблик қилди. Жанг узоққа чўзилмади. Баҳодир чап қўли билан рақибининг жағ қисмига кучли зарба бериб, уни нокаутга учратди. Бу Баҳодирнинг жангдаги биринчи зарбаси эди. Шу тариқа Баҳодир проф боксдаги 9-жангини ҳам нокаутли ғалаба билан якунлади.
Эслатиб ўтамиз, Баҳодир Жалолов профессионал боксдаги бундан аввалги жангини 2021 йилнинг апрель ойида латвиялик Кристапс Зуитсга қарши ўтказиб, нокаут эвазига ғалаба қозонганди. Унгача эса 2020 йил 13 декабрида Уилфредо Лилни (10-18-3, 8 КО) 1-раунддаёқ нокаутга учратганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)