Futbol bo‘yicha Italiya A Seriyasining 16-turidan o‘rin olgan uchrashuvlar 4-dekabr, shanba kuni bo‘lib o‘tdi.
Rimda “Inter” “Roma” mehmoni bo‘ldi. Uchrashuvning 18-daqiqasida Xoqon Chalxono‘g‘lu “nerazzurilar”ning ilk goliga mualliflik qildi, u ushbu vaziyatda burchak zarbasini golga aylantirdi. 24-daqiqada Edin Jeko, 39-daqiqada esa Denzel Dumfris milanliklarning ikkinchi va uchinchi gollarini urib, hisobni yirik ko‘rinishga olib keldi.
“Inter” g‘alabadan keyin 37 ochko jamg‘arib, ikkinchi o‘ringa ko‘tarilib oldi. Joze Mourinyo shogirdlari 25 ochko bilan 5-o‘rinda qoldi.
“Milan” o‘z uyida “Salernitana” bilan bahs olib bordi. Uchrashuvning 5-daqiqasida Frank Kessie hisobni ochgan bo‘lsa, 18-daqiqada Aleksandr Salimakers milanliklarning ikkinchi goli muallifiga aylandi.
Shu tariqa “rossonerilar” ochkolari sonini 38 taga yetkazib, A Seriya yetakchiligini qo‘lga oldi.
A Seriya
16-tur bahslari
4-dekabr, shanba
“Milan” – “Salernitana” 2:0
Gollar: 1:0 — 5 Frank Kessie, 2:0 — 18 Aleksandr Salimakers.“Milan”: Menyan, Florensi, Romanyoli, Tomori, Ernandes (Ballo-Ture, 62), Bakayoko (Bennaser, 46), Kessie (Tonali, 79), Salemakers, Rafael Leau (Junior Messias, 46), Braim Dias, Pellegri (Krunich, 15).
“Salernitana”: Beles, Zortea (Keshrida, 61), Veseli, Domber, Bogdan, Ranyeri (Yaroshinski, 79), Kulibali, Riberi (Jurich, 62), di Takko (Kastanos, 46), Skyavone, Nvankvo (Bonassoli, 61).
Ogohlantirishlar: Bakayoko (24), Di Takko (30), Jurich (86).
“Roma” – “Inter” 0:3
Gollar: 0:1 — 18 Xoqon Chalxono‘g‘lu, 0:2 — 24 Edin Jeko, 0:3 — 39 Denzel Dumfris.“Roma”: Ruy Patrisiu, Rojer, Smolling, Manchini, Kumbula (Bove, 61), Vinya, Mxitaryan, Veretu (Volpato, 90), Kristante, Zanolo, Shomurodov.
“Inter”: Handanovich, Dumfris, Dambrozio, Shkrinyar, Bastoni (Dimarko, 76), Perishich, Brozovich, Chalxono‘g‘lu (Sensi, 83), Barella (Vidal, 59), Korrea (Sanches, 59), Jeko (Vesino, 76).
Ogohlantirishlar: Rojer (37), Barella (47), Manchini (63), Zanolo (75).
Izoh (0)