Футбол бўйича Италия А Сериясининг 16-туридан ўрин олган учрашувлар 4 декабрь, шанба куни бўлиб ўтди.
Римда «Интер» «Рома» меҳмони бўлди. Учрашувнинг 18-дақиқасида Хоқон Чалхонўғлу «нераззурилар»нинг илк голига муаллифлик қилди, у ушбу вазиятда бурчак зарбасини голга айлантирди. 24-дақиқада Эдин Жеко, 39-дақиқада эса Дензел Думфрис миланликларнинг иккинчи ва учинчи голларини уриб, ҳисобни йирик кўринишга олиб келди.
«Интер» ғалабадан кейин 37 очко жамғариб, иккинчи ўринга кўтарилиб олди. Жозе Моуриньо шогирдлари 25 очко билан 5-ўринда қолди.
«Милан» ўз уйида «Салернитана» билан баҳс олиб борди. Учрашувнинг 5-дақиқасида Франк Кессиэ ҳисобни очган бўлса, 18-дақиқада Александр Салимакерс миланликларнинг иккинчи голи муаллифига айланди.
Шу тариқа «россонерилар» очколари сонини 38 тага етказиб, А Серия етакчилигини қўлга олди.
А Серия
16-тур баҳслари
4 декабрь, шанба
«Милан» – «Салернитана» 2:0
Голлар: 1:0 — 5 Франк Кессиэ, 2:0 — 18 Александр Салимакерс.«Милан»: Меньян, Флоренци, Романьоли, Томори, Эрнандес (Балло-Туре, 62), Бакаёко (Беннасер, 46), Кессиэ (Тонали, 79), Saleмакерс, Рафаэл Леау (Junior Мессиас, 46), Браим Диас, Пеллегри (Крунич, 15).
«Салернитана»: Белес, Зортеа (Кешрида, 61), Весели, Домбер, Богдан, Ранери (Ярошински, 79), Кулибали, Рибери (Журич, 62), ди Такко (Кастанос, 46), Skyавоне, Нванкво (Бонассоли, 61).
Огоҳлантиришлар: Бакаёко (24), Ди Такко (30), Журич (86).
«Рома» – «Интер» 0:3
Голлар: 0:1 — 18 Хоқон Чалхонўғлу, 0:2 — 24 Эдин Жеко, 0:3 — 39 Дензел Думфрис.«Рома»: Руй Патрисиу, Рожер, Смоллинг, Манчини, Кумбула (Бове, 61), Виня, Мхитарян, Верету (Волпато, 90), Кристанте, Заноло, Шомуродов.
«Интер»: Ҳанданович, Думфрис, Дамброзио, Шкриньяр, Бастони (Димарко, 76), Перишич, Брозович, Чалхонўғлу (Сенси, 83), Барелла (Видаль, 59), Корреа (Санчес, 59), Жеко (Весино, 76).
Огоҳлантиришлар: Рожер (37), Барелла (47), Манчини (63), Заноло (75).
Изоҳ (0)