O‘zbekistonda haydovchilik guvohnomasini olish uchun nazariy va amaliy imtihonlarni o‘tkazish huquqiga ega bo‘lgan tadbirkorlik subyektlari tomonidan tashkil qilingan xususiy imtihon markazlari o‘z faoliyatini boshlamoqda. Bu haqda IIV YHXBB axborot xizmati xabar berdi.
Ma’lum qilinishicha, mazkur markazlarda imtihonlar to‘liq inson omilidan xoli tarzda, avtomatlashtirilgan elektron tizim orqali qabul qilinishi rejalashtirilgan. Bu haydovchilik guvohnomasini olish uchun nazariy va amaliy imtihonlarni topshirish jarayonida e’tirozlarga sabab bo‘layotgan korrupsion holatlarga chek qo‘yadi.
“Shuni inobatga olib, barcha avtomaktablar ma’muriyatidan o‘z o‘quvchilariga yo‘l harakati qoidalarini puxta o‘rgatib, haydovchilik huquqini olish masalasiga mas’uliyat bilan jiddiy e’tibor qaratishlarini so‘raymiz”, — deyiladi xabarda.
Eslatib o‘tamiz, O‘zbekiston prezidentining 2020-yil dekabrdagi qarorida xususiy sektorga imtihonlarni tashkil etish huquqi 1-apreldan berilishi qayd etilgan edi. Hukumatning 2021-yil may oyidagi qaroriga o‘ra, mamlakatda xususiy sektorga haydovchilik guvohnomalarini olish uchun imtihonlarni o‘tkazish huquqi berildi.
Mavzuga doir:
Izoh (0)