Ispaniyaning shimoli-g‘arbiy qismidagi Aseredo qishlog‘i suv ostidan chiqdi. Qishloq 30 yil oldin Ispaniya va Portugaliya hududidan oqib o‘tuvchi Lima daryosida Alto Lindozo to‘g‘onining qurilishi tufayli suv ostida qolgandi, deb yozadi Meduza.
1968-yilda Ispaniya va Portugaliya hukumati daryoning ikki mamlakat chegarasiga to‘g‘ri keladigan qismidan Alto Londozo to‘g‘onini qurish uchun foydalanishga kelishib olgan. Daryo bo‘yidagi qishloqlar aholisi dastlab uylarini tark etishdan bosh tortgan, ammo Portugaliyaning EDP gidroelektr kompaniyasi ularni tovon pulini olishga va boshqa joyga ko‘chishga ko‘ndirgan. 1992-yilda Aseredo va boshqa to‘rtta qishloq suv omborining tubida qolgandi. Endilikda to‘g‘ondagi suv sathi pasaygach, Aseredo xarobalari yana ko‘rinib qoldi.
Izoh (0)