Футбол бўйича Италия А Сериясининг 13-туридан ўрин олган бир қатор учрашувлар 21 ноябрь, якшанба куни бўлиб ўтди.
«Рома» сафарда «Женоа»га қарши баҳс олиб борди. Ўйинда ҳисоб 82-дақиқага келиб очилди. Генрих Мхитаряннинг қойилмақом рейдидан кейин Феликс Афена-Гьян дарвозани ишғол қилди. Ҳакам томонидан қўшиб берилган вақтда Афена-Гьян дублни расмийлаштирган ҳолда якуний ҳисобни ўрнатди.
Учрашувни асосий таркибда бошлаган Элдор Шомуродов 75-дақиқада захирага олинди. Унинг ўрнини 18 ёшли Афена-Гьян эгаллаганди.
Мазкур ғалаба орқали римликлар 22 очко билан 5-ўринни сақлаб қолди. Андрей Шевченконинг дебют ўйинида мағлубиятга учраган «Женоа» эса 9 очко билан 18-поғонада бормоқда.
«Интер» ўз уйида «Наполи»ни қабул қилди. Учрашувнинг 17-дақиқасида меҳмонлар Пётр Зелиньскининг голидан кейин олдинга ўтиб олди. 25-дақиқада Хоқон Чалхонўғлу пенальтини аниқ амалга ошириб, ҳисобни тенглаштирди. Биринчи бўлим якунида Иван Перишич миланликларнинг иккинчи голини урди. 61-дақиқада Лаутаро Мартинес ҳисобни 3:1 кўриниша олиб келган бўлса, 78-дақиқада Дрис Мертенс якуний ҳисобни ўрнатди — 3:2.
«Интер» ушбу ғалабадан кейин очколарини 28 тага етказиб олди ва учинчи ўринда бормоқда. Мавсумдаги илк мағлубиятини қабул қилиб олган «Наполи» (32) эса пешқадамликни сақлаб турибди.
А Серия
13-тур баҳслари
21 ноябрь, якшанба
«Женоа» — «Рома» 0:2
Гол: 0:1 – 82 Афена-Гьян, 0:2 – 90+4 Афена-Гьян.«Женоа»: Сиригу, Сабелли (Гильоне, 84), Маселло, Бираски (Бянки, 84), Васкес, Камбязо, Бадель (Галдамес, 90), Стураро (Букса, 90), Ровелла, Пандев (Эрнани, 63), Экубан.
«Рома»: Руй Патрисиу, Карсдорп, Манчини, Кумбула (Смоллинг, 87), Рожер, Мхитарян, Верету, Пеллегрини (Бове, 90), Шомуродов (Афена-Гьян, 75), Абраҳам, аш-Шаарави.
Огоҳлантиришлар: Камбязо (32), Верету (40), Бадель (54), Сабелли (78), Афена-Гьян (89).
«Интер» — «Наполи» 3:2
Голлар: 0:1 – 17 Зелиньски, 1:1 – 25, пенальти Чалханўғлу, 2:1 – 44 Перишич, 3:1 – 61 Мартинес, 3:2 – 78 Мертенс.«Интер»: Ҳанданович, Дармиан, Раноккия, Шкриньяр, Бастони, Перишич (Сатриано, 88), Брозович, Чалхонўғлу (Видаль, 62), Барелла (Димарко, 75), Корреа (Жеко, 62), Мартинес (Гальярдини, 75).
«Наполи»: Оспина, Ди Лоренцо, Кулибали, Рраҳмани, Мариу Руй, Зелиньски, Фабиан Руис, Замбо-Ангисса, Инсинье (Мертенс, 75), Лосано (Элмаз, 75), Осимҳен (Петанья, 55).
Огоҳлантиришлар: Осимҳен (10), Кулибали (24), Рраҳмани (35), Чалхонўғлу (41), Видаль (72), Ҳанданович (84), Жеко (90).
Изоҳ (0)