Futbol bo‘yicha Ispaniya La Ligasining 14-turidan o‘rin olgan o‘yinlar 20-noyabr, shanba kuni bo‘lib o‘tdi.
Kataloniya derbisida “Barselona” “Espanyol”ga qarshi bahs olib bordi. Ikkinchi bo‘lim boshida Memfis Depay penaltidan unumli foydalanib, “ko‘k-anorranglilar”ni hisobda oldinga olib chiqdi. Ushbu gol uchrashuvda yagonaligicha qoldi va “Barselona” Xavining debyut o‘yinida g‘alaba qozondi.
Ushbu g‘alabadan so‘ng “Barselona” 20 ochko bilan 6-o‘ringa ko‘tarildi, “Espanyol” esa 17 ochko bilan 11-pog‘onada joylashgan.
“Atletiko” Madridda “Osasuna”ni qabul qildi. Diyego Simeone shogirdlari 87-daqiqada Felipening goli evaziga kichik hisobda g‘alaba qozondi.
“Atletiko” ochkolari sonini 26 taga yetkazdi va 4-o‘rinda bormoqda. “Osasuna” esa 19 ochko bilan 8-o‘rindan joy olgan.
La Liga
14-tur bahslari
20-noyabr, shanba
“Barselona” — “Espanyol” 1:0
Gol: 1:0 — 48 penalti Depay“Barselona”: ter Stegen, Mingesa (Arauxo, 88), Pike, Erik Garsiya, Alba, Buskets (Puch, 78), de Yong, Niko Gonsales (Demir, 88), Gavi (Koutinyo, 70), Depay, Axomash (Ezzalzuli, 46).
“Espanyol”: Diego Lopes, Kabrera, Serxi Gomes, Pedrosa, David Lopes (Morlanes, 56), Darder, Errera (Dimata, 78), Aleish Vidal, Embarba (U Ley, 78), de Tomas, Puado (Melamed, 56).
Ogohlantirishlar: Ezzalzuli (59), Pedrosa (59), Mingesa (64), de Yong (83), ter Stegen (88), Kabrera (90+3).
“Atletiko” — “Osasuna” 1:0
Gol: 1:0 – 87 Felipe.“Atletiko”: Oblak, Vrsalko (Martin, 85), Savich, Felipe, Ermoso, Karrasko, Koke, Lemar (de Paul, 65), Lyorente (Kondogbia, 75), Korrea (Suares, 65), Grizmann (Mateus Kunya, 75).
“Osasuna”: Errera, Vidal, Xuan Krus, Unai Garsiya, David Garsiya, Sanches (Roberto Torres, 89), Brashanas (Inigo Peres, 75), Torro (Oyer Sanxurxo, 66), Monkayola (Barxa, 89), Chimi Avila (Budimir, 66), Kike Garsiya.
Ogohlantirishlar: Grizmann (45), Torro (56), David Garsiya (82), Martin (89).
Izoh (0)