Toshkentning Ahmad Donish, Sebzor va Nurafshon ko‘chalari kesishmasidagi yo‘lning bir qismi 10 kunga yopiladi. Bu haqda poytaxt hokimligi matbuot xizmati xabar berdi.
Ma’lum qilinishicha, yo‘l-ta’mirlash ishlari olib borilayotgani sababli 15-noyabrdan 25-noyabrgacha Sebzor va Nurafshon ko‘chasi kesishmasidan Nurafshon ko‘chasi bo‘ylab yo‘lning bir tomoni qisman yopiladi.
Avtotransport vositalarining harakatlanishi uchun qarama-qarshi yo‘l ochiq bo‘ladi.
Avvalroq hokimlik Toshkentdagi Ahmad Donish ko‘chasining bir qismida 17-noyabrgacha harakat cheklanishi haqida xabar bergan edi. “Toshshahartransxizmat” shu sababli yo‘llarda tirbandliklar yuzaga kelishidan ogohlantirgandi.
Shuningdek, Ahmad Donish, Sebzor va Nurafshon ko‘chalari kesishmasida transport harakatini tashkil etishning yangi sxemasi haqida reportaj e’lon qilgandi.
Izoh (0)