Тошкентнинг Аҳмад Дониш, Себзор ва Нурафшон кўчалари кесишмасидаги йўлнинг бир қисми 10 кунга ёпилади. Бу ҳақда пойтахт ҳокимлиги матбуот хизмати хабар берди.
Маълум қилинишича, йўл-таъмирлаш ишлари олиб борилаётгани сабабли 15 ноябрдан 25 ноябргача Себзор ва Нурафшон кўчаси кесишмасидан Нурафшон кўчаси бўйлаб йўлнинг бир томони қисман ёпилади.
Автотранспорт воситаларининг ҳаракатланиши учун қарама-қарши йўл очиқ бўлади.
Аввалроқ ҳокимлик Тошкентдаги Аҳмад Дониш кўчасининг бир қисмида 17 ноябргача ҳаракат чекланиши ҳақида хабар берган эди. «Тошшаҳартрансхизмат» шу сабабли йўлларда тирбандликлар юзага келишидан огоҳлантирганди.
Шунингдек, Аҳмад Дониш, Себзор ва Нурафшон кўчалари кесишмасида транспорт ҳаракатини ташкил этишнинг янги схемаси ҳақида репортаж эълон қилганди.
Изоҳ (0)