Bloger Jahongir Latipov “Uznews” sayti uchun O‘zbekiston sport kurashlari assotsiatsiyasi prezidenti Salim Abduvaliyev bilan intervyu tashkillashtirdi. Intervyu davomida Salim Abduvaliyev blogerga o‘zi yashaydigan hashamatli uyi va qimmatbaho avtomobillarini ko‘rsatgan.
Salim Abduvaliyev katta hududda joylashgan hovlisidagi imoratlar o‘zi sevgan mamlakat — Italiya arxitekturasidan ilhomlanib, bezak berilganini aytadi.
Videoda Salim Abduvaliyevning hovlisida Lexus, Mercedes-Maybach, Rolls-Royce markalarining bir nechta avtomobillari bo‘lib, ularning aksariyatining davlat raqam belgisi — 010 ekanligini ko‘rish mumkin.
“Mashina olishga yoshligimda pulim bo‘lmagan, qiziqmaganman, rulga o‘tirgan emasman. Hamma mashinamni nozik ukalarim sovg‘a qilishgan. Hozir o‘zim Rolls-Royce’da yuraman, u mashina 500-600 ming dollar edi bir vaqtlar. Ukam tug‘ilgan kunimga sovg‘a qilgandi”, — deydi Salim Abduvaliyev.
Izoh (0)