Olmos, yoqut, zumrad va boshqa eng qimmat zargarlik buyumlari har qanday ayollarning eng sevimli narsasidir. Shu jumladan, mashhurlar ham bunga alohida e’tibor qaratadi.
Ledi Gaga
Ledi Gaga o‘zining ilk “Oskar”ini olish uchun uzun qora libos va charm qo‘lqoplar, nafis uslubdagi soch turmagi hamda Tiffany & Co kompaniyasining 30 million dollarlik olmos marjonini taqib bordi. Zargarlik kompozitsiyasi bir asrdan ortiq boy tarixga ega, og‘irligi 128 karat bo‘lgan sariq olmos hayratlanarli darajada porlab turadi. Ledi Gagadan oldin undan faqat ikkita ayol foydalangan: Meri Uaytxaus xonim va aktrisa Odri Xepbern.
Juliya Roberts
2016-yilgi Kann kinofestivalida barcha mehmonlar va paparatssilarning nigohi Juliya Robertsga qaratildi. Bu aktrisaning hashamatli bezaklari bilan bog‘liq. 43,41 karatlik olmos va 52,76 karatlik zumraddan iborat marjon aktrisaning nozik bo‘yniga juda ham yarashgan, qora va oddiy libosga nafislik va joziba bag‘ishlagan.
Adriana Lima
Ammo 2018-yilgi Kann kinofestivalining asosiy diqqatga sazovor joyi Adriana Limaning ko‘rinishi bo‘ldi, uning bo‘ynini olmos va yoqutlardan yasalgan ulkan Chopard marjonlari bezab turar edi. Moviy toshlar fonida modelning ko‘zlari yanada yorqinroq ko‘ringan. Marjonlarni berkitib qo‘ymaslik uchun u oddiy va sipo libos tanlashga harakat qilgan.
Selena Gomes
Selena Gomes ilk bor 2019-yilda Kann kinofestivalida ishtirok etganida xonanda debyuti uchun chinakam hashamatli libosni tanlagan. U nafis oq ko‘ylakni 100 karat og‘irlikdagi platina olmosli marjon bilan to‘ldirdi. Qiziq, xonanda yana Kannga tashrif buyurishga qaror qilganida qaysi obrazni tanlaydi – lekin, uning ilk obrazini unutib bo‘lmaydi, albatta.
Bella Xadid
Moda tanqidchilari Bella Xadidning libosi haqida juda uzoq vaqt bahslashishi mumkin, ammo bir narsa aniqki, modelning hashamatli marjonlari uni yanada go‘zallashtirgan. Taqinchoq “Titanik” filmidagi qahramon tomonidan taqilgan afsonaviy “Okean yuragi”ni esga soluvchi ulkan 180 karatli sapfirli Bvlgari zargarlik buyumidir. Faqat tosh to‘rtburchak shaklda bo‘lib, og‘irligi bilan biroz farq qiladi.
Enn Xeteuey
Bir qarashda kamtarona ko‘ringan bu marjon Enn Xeteueyga 10 million dollarga tushdi. Tiffany & Co kompaniyasidan 94 karatli olmos aktrisaning bo‘ynini 2011-yilda Jeyms Franko bilan birga boshlovchilik qilgan Akademiya mukofotlari marosimida bezagan. Yulduz uni taqishga qaror qilgani ajablanarli emas, chunki u bunga arziydi.
Rianna
Xonanda 2014-yilgi marosimda olmos taqinchog‘i – 123,24 karatli pushti rubelit va 65 karatli olmosli Chopard platina marjonini tanladi. Qo‘shiqchi bunday zargarlik buyumi bilan kechaning haqiqiy malikasiga aylangan edi.
Sofiya Vergara
Sofiya Vergarada hashamatli Lorraine Schwarts sirg‘alari va 161 karatlik qimmatbaho toshlardan yasalgan uzuklarni ko‘rish mumkin. Ushbu bezaklar aktrisaga 7 million dollarga tushgan. Yulduzning sirg‘alari yoqut, sapfir va Kolumbiya zumradlari bilan bezatilgan bo‘lsa, uzukdan 40 karatli ulkan Kolumbiya zumradi va 21 karatli olmos joy olgan.
Monika Belluchchi
Monika Belluchchi 2019-yilgi Kann kinofestivalida taqqan marjon ham boy tarixga ega. 1975-yilda taniqli meksikalik aktrisa Mariya Feliksga murojaat qildi va zargardan o‘zi uchun bir-biriga o‘ralgan timsoh ko‘rinishidagi marjonlarni yaratishni so‘ragan. Lekin Cartier uyi zargarlik buyumini keyinchalik aktrisadan qayta sotib olgan. Oradan 13 yil o‘tgach, aktrisa bir vaqtlar Mariya Feliksning buyrug‘i bilan yasalgan taqinchoqqa o‘xshash tarzda yaratilgan marjonda ko‘rinish berdi.
Kerri Andervud
“Gremmi” mukofotlari marosimida Kerri Andervud Jonatan Arndt tomonidan olmos bilan bezatilgan hashamatli marjonda paydo bo‘ldi, bu unga 31 million dollarga tushdi. Toshlarning umumiy og‘irligi 381 karatni tashkil etadi. Xonandaning o‘zi esa hatto zargarlik buyumlari o‘zidan ko‘ra ko‘proq e’tiborga loyiq ekanligini hazil qilgan.
Izoh (0)