Олмос, ёқут, зумрад ва бошқа энг қиммат заргарлик буюмлари ҳар қандай аёлларнинг энг севимли нарсасидир. Шу жумладан, машҳурлар ҳам бунга алоҳида эътибор қаратади.
Леди Гага
Леди Гага ўзининг илк «Оскар»ини олиш учун узун қора либос ва чарм қўлқоплар, нафис услубдаги соч турмаги ҳамда Tiffany & Cо компаниясининг 30 миллион долларлик олмос маржонини тақиб борди. Заргарлик композицияси бир асрдан ортиқ бой тарихга эга, оғирлиги 128 карат бўлган сариқ олмос ҳайратланарли даражада порлаб туради. Леди Гагадан олдин ундан фақат иккита аёл фойдаланган: Мери Уайтхаус хоним ва актриса Одри Хепберн.
Жулия Робертс
2016 йилги Канн кинофестивалида барча меҳмонлар ва папарацсиларнинг нигоҳи Жулия Робертсга қаратилди. Бу актрисанинг ҳашаматли безаклари билан боғлиқ. 43,41 каратлик олмос ва 52,76 каратлик зумраддан иборат маржон актрисанинг нозик бўйнига жуда ҳам ярашган, қора ва оддий либосга нафислик ва жозиба бағишлаган.
Адриана Лима
Аммо 2018 йилги Канн кинофестивалининг асосий диққатга сазовор жойи Адриана Лиманинг кўриниши бўлди, унинг бўйнини олмос ва ёқутлардан ясалган улкан Chopard маржонлари безаб турар эди. Мовий тошлар фонида моделнинг кўзлари янада ёрқинроқ кўринган. Маржонларни беркитиб қўймаслик учун у оддий ва сипо либос танлашга ҳаракат қилган.
Селена Гомес
Селена Гомес илк бор 2019 йилда Канн кинофестивалида иштирок этганида хонанда дебюти учун чинакам ҳашаматли либосни танлаган. У нафис оқ кўйлакни 100 карат оғирликдаги платина олмосли маржон билан тўлдирди. Қизиқ, хонанда яна Каннга ташриф буюришга қарор қилганида қайси образни танлайди – лекин, унинг илк образини унутиб бўлмайди, албатта.
Белла Хадид
Мода танқидчилари Белла Хадиднинг либоси ҳақида жуда узоқ вақт баҳслашиши мумкин, аммо бир нарса аниқки, моделнинг ҳашаматли маржонлари уни янада гўзаллаштирган. Тақинчоқ «Титаник» фильмидаги қаҳрамон томонидан тақилган афсонавий «Океан юраги»ни эсга солувчи улкан 180 каратли сапфирли Bvlgari заргарлик буюмидир. Фақат тош тўртбурчак шаклда бўлиб, оғирлиги билан бироз фарқ қилади.
Энн Хетеуэй
Бир қарашда камтарона кўринган бу маржон Энн Хетеуэйга 10 миллион долларга тушди. Tiffany & Cо компаниясидан 94 каратли олмос актрисанинг бўйнини 2011 йилда Жеймс Франко билан бирга бошловчилик қилган Академия мукофотлари маросимида безаган. Юлдуз уни тақишга қарор қилгани ажабланарли эмас, чунки у бунга арзийди.
Рианна
Хонанда 2014 йилги маросимда олмос тақинчоғи – 123,24 каратли пушти рубелит ва 65 каратли олмосли Chopard платина маржонини танлади. Қўшиқчи бундай заргарлик буюми билан кечанинг ҳақиқий маликасига айланган эди.
София Вергара
София Вергарада ҳашаматли Lorraine Schwarts сирғалари ва 161 каратлик қимматбаҳо тошлардан ясалган узукларни кўриш мумкин. Ушбу безаклар актрисага 7 миллион долларга тушган. Юлдузнинг сирғалари ёқут, сапфир ва Колумбия зумрадлари билан безатилган бўлса, узукдан 40 каратли улкан Колумбия зумради ва 21 каратли олмос жой олган.
Моника Беллуччи
Моника Беллуччи 2019 йилги Канн кинофестивалида таққан маржон ҳам бой тарихга эга. 1975 йилда таниқли мексикалик актриса Мария Феликсга мурожаат қилди ва заргардан ўзи учун бир-бирига ўралган тимсоҳ кўринишидаги маржонларни яратишни сўраган. Лекин Cartier уйи заргарлик буюмини кейинчалик актрисадан қайта сотиб олган. Орадан 13 йил ўтгач, актриса бир вақтлар Мария Феликснинг буйруғи билан ясалган тақинчоққа ўхшаш тарзда яратилган маржонда кўриниш берди.
Керри Андервуд
«Грэмми» мукофотлари маросимида Керри Андервуд Жонатан Арндт томонидан олмос билан безатилган ҳашаматли маржонда пайдо бўлди, бу унга 31 миллион долларга тушди. Тошларнинг умумий оғирлиги 381 каратни ташкил этади. Хонанданинг ўзи эса ҳатто заргарлик буюмлари ўзидан кўра кўпроқ эътиборга лойиқ эканлигини ҳазил қилган.
Изоҳ (0)