Ijtimoiy tarmoqlarda Magic City’da ommaviy tartibsizlik yuz bergani haqidagi xabarlar tarqalmoqda. Mazkur holat yuzasidan Toshkent shahar IIBB matbuot xizmati izoh berdi.
Qayd etilishicha, 2021-yilning 6-noyabr kuni soat 22:30 larda Toshkent shahar Chilonzor tumanida joylashgan Magic City ko‘ngilochar dam olish maskanida gaz to‘ldirilgan sharlarni sotuvchi yigitlar 2000-yilda tug‘ilgan U.D., 2002-yilda tug‘ilgan A.X., 2003-yilda tug‘ilgan I.U., 2004-yilda tug‘ilgan M.T. noqonuniy savdo qilayotgani uchun majmuaning qo‘riqlash xizmati xodimlari tomonidan chiqarib yuborilayotganda ular o‘rtasida o‘zaro janjal yuz bergan.
Mazkur holat yuzasidan Chilonzor tumani IIO FMB tomonidan tergovga qadar tekshiruv o‘tkazilmoqda.
Shuningdek Chilonzor tumani IIO FMB Tergov bo‘limi tomonidan Jinoyat kodeksining 277-moddasi 2-qismi “b” bandi (bir guruh shaxslar tomonidan sodir etilgan bezorilik) bilan jinoyat ishi qo‘zg‘atildi.
Bundan avval Toshkentda bir guruh shaxslar o‘rtasida sodir bo‘lgan janjal videosi bo‘yicha rasmiy ma’lumot berilgani, Toshkent shahar IIBB 20 yoshli yigitning buvisi tengi ayolni zo‘rlashga uringani isbotlanmagani hamda Andijonda mast holda tez yordam shifokorini do‘pposlab, og‘ir tan jarohati yetkazgan fuqaro qamoqqa olingani haqida xabar berilgandi.
Izoh (0)