Ижтимоий тармоқларда Magic City’да оммавий тартибсизлик юз бергани ҳақидаги хабарлар тарқалмоқда. Мазкур ҳолат юзасидан Тошкент шаҳар ИИББ матбуот хизмати изоҳ берди.
Қайд этилишича, 2021 йилнинг 6 ноябрь куни соат 22:30 ларда Тошкент шаҳар Чилонзор туманида жойлашган Magic City кўнгилочар дам олиш масканида газ тўлдирилган шарларни сотувчи йигитлар 2000 йилда туғилган У.Д., 2002 йилда туғилган А.Х., 2003 йилда туғилган И.У., 2004 йилда туғилган М.Т. ноқонуний савдо қилаётгани учун мажмуанинг қўриқлаш хизмати ходимлари томонидан чиқариб юборилаётганда улар ўртасида ўзаро жанжал юз берган.
Мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилмоқда.
Шунингдек Чилонзор тумани ИИО ФМБ Тергов бўлими томонидан Жиноят кодексининг 277-моддаси 2-қисми «б» банди (бир гуруҳ шахслар томонидан содир этилган безорилик) билан жиноят иши қўзғатилди.
Бундан аввал Тошкентда бир гуруҳ шахслар ўртасида содир бўлган жанжал видеоси бўйича расмий маълумот берилгани, Тошкент шаҳар ИИББ 20 ёшли йигитнинг бувиси тенги аёлни зўрлашга урингани исботланмагани ҳамда Андижонда маст ҳолда тез ёрдам шифокорини дўппослаб, оғир тан жароҳати етказган фуқаро қамоққа олингани ҳақида хабар берилганди.
Изоҳ (0)