“Toshshahartransxizmat” Ahmad Donish ko‘chasining bir qismi vaqtincha yopilishi sabab tirbandliklar yuzaga kelishidan ogohlantirdi

Toshkentning Ahmad Donish ko‘chasidan o‘tuvchi bir qator avtobus yo‘nalishlari harakatida 17-noyabrgacha vaqtinchalik tirbandliklar yuzaga kelishi mumkin. Bu haqda “Toshshahartransxizmat” matbuot xizmati xabar berdi.

Yo‘l ta’mirlash ishlari olib borilishi sababli 7-noyabr kunidan 17-noyabr kuniga qadar Ahmad Donish ko‘chasining Amir Temur shohko‘chasi kesishmasidan Nurafshon ko‘chasigacha bo‘lgan oralig‘idagi ikki tomonlama yo‘lning bir tomoni qisman vaqtinchalik yopilishi ma’lum qilingandi.

Shu sababli “Toshshahartransxizmat” matbuot xizmati keltirilgan noqulayliklar uchun uzr so‘ragan holda 5, 43, 51, 82, 83, 123, 124-sonli avtobus yo‘nalishlarining harakatida vaqtinchalik tirbandliklar yuzaga kelishi mumkinligidan ogohlantirdi.